لقێ هه‌ژده هه‌لگرێن میدالیا بارزانی خه‌لات دكه‌ت
ب هه‌لكه‌فتا (23) یه‌مین سالڤه‌گه‌را بیره‌وه‌ریا سه‌رهلدانا ده‌ڤه‌را ئامێدیێ لقێ18یێ پارتیا ده‌موكراتا كوردستانێ ل ئامێدیێ د رێوره‌سمه‌كیدا هه‌ژماره‌كا هه‌لگرێن میدالیا بارزانی خه‌لاته‌كرن لروژا پێنج شه‌مبی رێكه‌فتی 13/3/2014 ل هولا لقێ.
ل ژێر چاڤدێریا هێژا (فه‌ریق فاروق) به‌رپرسێ لقێ و ب به‌رهه‌ڤبوونا كارگێر و كادران و قایمقامێ قه‌زا ئامێدیێ ب وه‌كاله‌ت و هه‌ژماره‌كا رێڤه‌به‌رێن داموده‌زگه‌هێن میری و كه‌سوكارێن هه‌لگرێن میدالیان د رێوره‌سمه‌كێ ژ هه‌ژیدا و پشتی خوله‌كه‌ك روه‌ستان بو گیانێ ته‌ڤایا شه‌هیدان و سه‌ركاروانێ وان بارزانیێ نه‌مر و ئیدریسێ هه‌رده‌م ساخ و پێشكێشكرنا په‌یڤه‌ك ژ لایێ به‌رپرسێ لقێ دیاری ژ لایێ (فه‌ریق فاروق)ڤه لسه‌ر هه‌لگرێن میدالیا بارزانی هاتن دابه‌شكرن ، و ل دووڤدا بو خوارنا فراڤینێ هاتن مێهڤانكرن.
د په‌یڤا خودا (فه‌ریق فاروق) به‌رپرسێ لقێ 18 گوت:- ((بومه شه‌ره‌فه‌كا مه‌زنه ئه‌ڤرو ئه‌م كومه‌كا وان هه‌ڤال و مێرخاس و قاره‌مانان یێن ب سالان خزمه‌ت و خه‌بات كری و شه‌رفا وه‌رگرتنا میدالیا بارزانی وه‌رگرتی كو ب راستی شه‌ره‌فه‌كا مه‌زنه بو مه‌ژی و بو وان ژی كو ئه‌ڤ میدالیه وه‌رگرتی چونكی هێمایه بو خزمه‌ت و خه‌بات و تێكوشینا وان، د روژه‌كا وه‌كی ئه‌ڤرودا كو بیره‌وه‌ریا (23)ێ سالیا سه‌رهلدانا ده‌ڤه‌را ئامێدیێ یه خه‌لكێ ده‌ڤه‌را ئامێدیێ ب هه‌می پێكهاتێن خوه‌ڤه سه‌رهلدان كر ، سه‌رهلدانا ئامێدیێ و زاخو و شێخان د ئێك روژدا ده‌لیڤه خوش كر كو ل دهوكێ ژی روژا پاشتر ببیته سه‌رهلدان و بتایبه‌تی كو ئه‌و روژه یا دبیته بیره‌وه‌ریا ژ دایكبوونا سه‌روكێ مه یێ نه‌مر مه‌لا موسته‌فایێ بارزانی ، ژ به‌ر هندێ بڤێ هه‌له‌فتێ ئه‌م پیروزباهیێ ل هه‌می خه‌لكێ ده‌ڤه‌را ئامێدیێ و ده‌ڤه‌را به‌هدینان و هه‌می كوردستانێ دكه‌ین و پیروزباهیێ ل جه‌نابێ سه‌روك مه‌سعود بارزان و سه‌ركردایه‌تیا پارتیا مه دكه‌ین و سه‌رێ رێز و نه‌وازشێ دچه‌مینین بو وان قاره‌مانێن د سه‌رهلدانا ده‌ڤه‌را ئامێدیێ و كوردستانێ دا شه‌هید بوین .))
دیسان گوت :- (( راسته شه‌هید به‌ری هه‌ر تشته‌كینه به‌لێ مه دڤێت ئه‌ڤرو ئه‌م به‌حسێ ڤان هه‌ڤالا بكه‌ین یێ ئه‌ڤرو بوینه مێهڤانێن مه دبیت خه‌لگێ ده‌ڤه‌رێ یێن ئه‌ڤ میدالیه وه‌رگرتین هه‌ر ئه‌ڤه بتنێ نه‌بن و ناڤێن وان یان فورمێن وان ل جهه‌كێ دی هاتینه وه‌رگرتن و هه‌ر تنێ ناڤێن ڤان ژ لایێ لیژنێن مه ڤه بو مه هاتینه : 1- ئیبراهیم عه‌لی سه‌یفه‌دین میرحاج و ناسیار ب مه‌لا ئیبراهیم جێی ، 2- ئیبراهم محه‌مه‌د عوزێر ئه‌حمه‌د ناسیار ب ئیبراهیم ره‌شاڤه‌یی ، 3- ئه‌حمه‌د حه‌جی میرخان ئیبراهیم ناسیار ب ئه‌حمه‌د باوه‌ركی ، 3- محسن سالح ئیبراهیم ئامێدی ، 4- عه‌بدلره‌حمان محه‌مه‌د عه‌بدلره‌حمان قتاس ، 5- سه‌لیم ئه‌حمه‌د سه‌لیم چێی ، 6- مه‌مه‌د سه‌لیم ئه‌حمد چێی ، 7- محه‌مه‌د سه‌لیم فه‌رحان سادق قومری ، 8- خالد حه‌مید ئاغا بیری، 9- خه‌لیل ئه‌مین جه‌لیل حه‌جی هێتیتی ، 10- ئه‌مین حسێن ئه‌حمه‌د گه‌ڤه‌ركی ناسیار ب ئه‌مین گه‌ڤه‌ركی كو تا نها ژی یێ به‌رده‌وامه د خزمه‌تێ دا و فه‌رمانده‌كێ مه‌یه ل ده‌ڤه‌رێ.))
هه‌روه‌سان گوت :- (( ئه‌م جاه‌ركا دی هه‌ر ڤێ مه‌دالیێ ل وان پیروزدكه‌ینه ڤه و ب راستی ژی شه‌ره‌فه‌كا مه‌زنه بو مه كو ئه‌م ئه‌ڤرو وان دناڤ خودا دبینینه‌ڤه، و هنده‌ك ژ وان د نه‌خوش بوون و نه‌شیاینه بهێن و نوونه‌رێن وان ل ڤێره ئاماده‌بوینه له‌وما ئه‌م هه‌ر ئه‌ڤرو دێ چینه سه‌ره‌دانا وان ل مالێن وان ، و نابیت كه‌س وه‌سان هزر بكه‌ت كو هه‌ما وان میدالی وه‌رگرت و ب داوی هات، میدالی بخو شه‌ره‌فه‌كا مه‌زنه و هێمایه‌كه بو خزمه‌ت و خه‌بات و تێكوشینا وان .))
و ل دوماهیێ ئه‌مین گه‌ڤه‌ركی ب نوونه‌راتیا هه‌می هه‌ڤالێن خو ژ هه‌لگرێن میدالیا بارزانی سوپاسیا لقێ 18 كر بو ڤی رێوره‌سمێ بو هاتیه به‌رهه‌ڤكرن د ڤێ هه‌لكه‌فتا پیروزدا و وێ رێزگرتنا لێ هاتیه كرن و دلخوشیا خو بڤێ چه‌ندێ ده‌ربری و گوت سوز وپه‌یمانان نوو دكه‌ینه ڤه بو رێبازا بارزانیێ نه‌مر و هندی مابین د خزمه‌تا كورد و كوردستانێ دابین.
