پایاما لقێ 18 بهه‌لكه‌فتا سالڤه‌گه‌را بیره‌وه‌ریا ژدایك بوونا بارزانیێ نه‌مر
ب هه‌لكه‌فتا بیره‌وه‌ریا سالڤه‌گه‌را (111)ێ یا ژدایك بوونا بابێ روحى و نه‌ته‌وه‌یى یێ گه‌لێ كوردستانێ (بارزانیێ نه‌مر) گه‌رمترین پیروزباهیان ئاراسته‌ى هه‌مى ئه‌ندام و لایه‌نگرێت پارتى و سه‌رجه‌م خه‌لكێ كوردستانێ دكه‌ین.
دكاودانێت ناڤخویى و ده‌ره‌كیێن پر ئالوزدا و ل رێكه‌فتى (14/3/1903)ێ بارزانیێ نه‌مر هاتیه سه‌ر دونیایێ و دناڤ بنه‌ماله‌كا نیشتیمان په‌روه‌ر و خه‌باتگێردا په‌روه‌رده بو ، بارزانى سه‌ر كرده‌كێ بزاڤا ئازادى خوازیا ملله‌ته‌كێ بن ده‌ست پێ گه‌هشت و د ده‌مه‌كیدا گه‌لێ كوردستانێ توشى هه‌وێن داگیر كرن و چه‌وساندنا نه‌ته‌وه‌یى و نیشتیمانى دهاته كرن لسه‌ر ده‌ستێ داگیركه‌رێن كوردستانێ. هه‌لبه‌ت په‌یدابوونا بارزانیێ نه‌مر دوان كاودانێن نازك دا پێدڤییه‌كا مێژوویى بویه ژبو سه‌ر كێشى كرنا بزاڤا ئازادیخوازیا گه‌لێ كوردستانێ ب دژى زولم و زورداریێ و خرڤه‌كرنا هه‌مى هێز و شیانێن گه‌لێ كوردستانێ ب هه‌مى پێكهاتێن خوڤه ل چارچوڤه‌كێ رێكخراوه‌یى یێ هه‌ڤچه‌رخ دا پێخه‌مه‌ت بده‌ست ڤه ئینانا مافێن كه‌لتورى و سیاسى و جڤاكى و ئابورى دئه‌نجامدا بارزانى شیا وه‌رچه‌رخانه‌كێ دناڤ جڤاك و ده‌رونێ تاكێ كوردستانى دا په‌یدا بكه‌ت بره‌نگه‌كى كو كه‌ساتیا مروڤێ كوردستانێ لسه‌ر بنیاته‌كێ وه‌سا هاته ئاڤاكرن كو ئێدى بنده‌ستیێ و كوله‌داریێ قه‌بول نه‌كه‌ت و هه‌رده‌م یێ به‌رهه‌ڤ بیت بو قوربانى دانێ.
ژهه‌ژى یه بێژین كو ژدایك بوونا بارزانیێ نه‌مر یا هه‌ڤده‌مه دگه‌ل سه‌رهه‌لدانا باژێرێ دهوكا به‌هدینان كو ل روژا 14/3/1991 وه‌ك وه‌فاداریه‌ك بو رێبازا پیروزا بارزانیێ نه‌مر خه‌لكێ دهوكێ و ده‌ورو به‌ران پێكڤه و ب ئیك ده‌ست د سه‌رهلدانه‌كا جه‌ماوه‌رى دا وه‌كى هه‌مى باژێر و باژێركێن دى یێن كوردستانێ هه‌مى كه‌لهێن رژێما به‌عسا ژناڤ چویى هه‌رفاندن و باژێر ب ئێك جارى ژ له‌شكه‌رێ رژێما داگیر كه‌ر و سیخورو كرێ گرتیێن (سه‌دام)ێ گور به‌گور هاته پاقژكرن و ده‌ست هه‌لاتا كوردى جێگیربوو، له‌وما داخازێ دكه‌ین ئه‌ڤ هه‌ردو هه‌لكه‌فته ببنه هانده‌ره‌ك ژبو موكمكرنا رێزێن خه‌لكێ كوردستانێ دئێك چه‌په‌ردا ژبو پاراستنا وان ده‌ست كه‌فتێن بره‌نج و خه‌بات بارزانیێ نه‌مرو ته‌فایا خه‌لكێ كوردستانێ هاتینه بده‌ستڤه ئینان، دوباره ئه‌ڤ هه‌لكه‌فتێن پیروز ل سه‌رجه‌م خه‌لكێ كوردستانێ پیروز بیت.
لقا18
نڤێسینگه‌ها ره‌وشه‌نبیرى و راگه‌هاندن
13/3/2014
