لقێ هه‌ژده (23)یه‌مین سالڤه‌گه‌را بیره‌وه‌ریا سه‌ر هلدانا ده‌ڤه‌را ئامێدیێ ل خه‌لكێ ده‌ڤه‌رێ پیروزدكه‌ت
دروژه‌كا وه‌كى ئه‌ڤرودا ل(13/3/1991)ێ كور و كچێن ده‌ڤه‌را ئامێدیێ یا خو راگر ، ئامێدیا لاندكا شوره‌شا و دوژمن به‌زین ب هه‌فكارى دگه‌ل هێزێن پێشمه‌رگێن كوردستانێ پێكڤه چونه سه‌ر باره‌گا و دام ده‌زگه‌هێن سه‌ر كوتكه‌رێن رژێما به‌غدا یا گور به‌گور و دئه‌نجامدا ده‌ڤه‌را ئامێدیێ هه‌مى هاته پاقژ كرن ژ سیخور و زه‌لامێن به‌عسا (سه‌ه‌دام)ى و مزگینیا سه‌ركه‌فتنا سه‌رهلدانا ئامێدیێ گه‌هانده هه‌مى ده‌ڤه‌رێن دى یێن كوردستانێ و تولا ئه‌نفال و كێمیا باران و شه‌رێ كومكوژیێ و سیاسه‌تا ئه‌ردو سوتنێ هاته ڤه‌كرن و دچه‌ند روژه‌كێن كێم دا هه‌مى كوردستان هاته ئازاد كرن و دئه‌گه‌رێ دا سه‌روبه‌ره‌كێ نوى ل كوردستانێ په‌یدا بو بێگومان ژئه‌نجامێ ڤه‌رێژا ره‌نج و زه‌حمه‌تا گه‌لێ كوردستانێ و خه‌باتا كور و كچێن ملله‌تێ مه ئه‌ڤ ئازادى و سه‌روه‌ریا هه‌رێما كوردستانێ بده‌ستڤه هات.
هیڤى دارین ئه‌ڤ هه‌لكه‌فته ببیته هانده‌ره‌ك ژبو پاراستنا وان هه‌مى ده‌ستكه‌فتێن بخوینا گه‌شا شه‌هیدان و خه‌باتا گه‌لێ مه هاتیه بده‌سڤه ئینان.
سلاڤ ل گیانێ شه‌هیدێن سه‌رهلدانا ده‌ڤه‌را ئامێدیێ و هه‌مى شه‌هیدێن سه‌رهلدانا بهارا (1991)ێ و سه‌رجه‌م شه‌هیدێن كوردستانێ.
لقا18
نڤێسینگه‌ها ره‌وشه‌نبیرى و راگه‌هاندن
12/3/2014
