ل سه‌ر مه‌زارێ نه‌مران جه‌ماوه‌رێ ئامێدیێ و لقا (18) سوز وپه‌یمانان نوو دكه‌نه‌ڤه‌

ب هه‌لكه‌فتنا بیره‌وه‌ریا ژدایك بونا بابێ روحی یێ ملله‌تێ كورد "مه‌لا موسته‌فا بارزانی" به‌رپرس و کارگێر و ئه‌ندام وکادرێن لقێ (18) یێ پارتیا ده‌موکراتا کوردستانێ و لیژنێن ب سه‌رڤه‌ و لایه‌نگرێن پارتی ژ ته‌خ وچینێن جودا جودا لده‌ڤه‌را ئامێدیێ ژ یپێشمه‌رگێن هه‌ردوو شوره‌شێن ئه‌یلولا مه‌زن و گولانا پێشكه‌فتن خواز و زانایێن ئاینێ ئیسلامی و ماموستا وقوتابی و لاو وئافره‌تێن ده‌ڤه‌رێ سه‌ره‌دانا مه‌زارێ نه‌مران ل بارزان کر و سوز و په‌یمان نووکرنه‌ ڤه‌ و وه‌فاردریا خو بو رێبازا بارزانیێ نه‌مر دوپاتکر لروژا چارشه‌مبی رێکه‌فتی 12/3/2014.

ب رێپیڤانه‌كا رێكخستی ب سه‌ر‌كێشیا كورد وسا هه‌لگرێن ئالایێن کوردستانێ و وێنێ بارزانیێ نه‌مر و لافیتێن ب دروشمێن جودا جودا هاتین ره‌نگ کرن پشکدارێن ڤێ رێوره‌سمێ گه‌هشتنه‌ سه‌ر مه‌زاران و ژ لایێ شێخ (یاه‌ر بارزانی)ڤه‌ نوونه‌رێ سه‌روک بارزانی بگه‌رمی هاتن پیشه‌وازیکرن.

پشتی دانانا تاجه‌ گولان ل سه‌ر مه‌زارێ نه‌مران و خاندنا سوره‌تا (الفاتحه‌) په‌یڤه‌ک ژلایێ هێژا (فه‌ریق فاروق) به‌رپرسێ لقێ ڤه‌ هاته‌ خواندن و تێدا ئاماژه‌ ب رول وخه‌بات و رێبازا بابێ روحی یێ نه‌ته‌وا کورد سه‌رکردێ مه‌زن (بارزانی) ێ نه‌مر وکاک (ئدریس) یێ هه‌رده‌م ساخ دا و بناڤێ جه‌ماوه‌رێ ده‌ڤه‌را ئامێدیێ سۆز و وه‌فاداری یا خو و ته‌خ وچوینێن جودا یێن ده‌ڤه‌را ئامێدیێ ژبۆ رێبازا پیرۆزا بارزانیێ نه‌مر كو كوردینی یا راسته‌قینه‌‌یه‌ نویکرنه‌ڤه، و گوت ئه‌ڤرو ب به‌رگریکرن ژئاخا كوردستانێ و پاراستنا ده‌ستكه‌فتێن بخوینا شه‌هیدان هاتینه‌ دگورێ دا وهاتن بو سه‌ر مه‌زارێ نه‌مران دوپاتکرنا ڤان سوز وپه‌یمانایه‌.

و بو گوهداریا ده‌قێ په‌یڤا به‌رپرسێ لقێ هیڤیه‌ سه‌ره‌دانا په‌یجێ تایبه‌تێ لقێ بكه‌ن لتورا كومه‌لایه‌تی (فه‌یسبوك).