په‌یاما لقێ 18 بهه‌لكه‌فتا سالڤه‌گه‌را رێككه‌فتنا 11ی ئادارێ
لقێ 18 ی پارتی دیموكراتی كوردستان ب هه‌لكه‌فتا سالڤه‌گه‌را رێككه‌فتنا 11ی ئادارا سالا 1970 په‌یامه‌ك به‌لاڤكریه و تێدا ئه‌ڤ بیره‌وه‌ریا پیروز ل گه‌لێ كوردستانێ پیروزكریه و ئه‌ڤا ل خارێ ده‌قێ وێیه:-
ب هه‌لكه‌فتا بیره‌وه‌ریا سالڤه‌گه‌را (11)ێ ئادارێ سالا(1970) كو به‌ری (44) سالان دناڤبه‌را سه‌ركردایه‌تیا شوره‌شا ئه‌یلولا مه‌زن ب سه‌روكاتیا (بارزانیێ نه‌مر) و ده‌ستهه‌لاتدارێن رژێما عێراقێ یا وی سه‌رده‌می هاتیه موركرن، ئه‌م بناڤێ لقا18 یا پارتی دیموكراتی كوردستان ل ده‌ڤه‌را ئامێدیێ پر ژدل پیروزباهیێن گه‌رم ئاراسته‌ی خه‌لكێ كوردستانێ بگشتی و خه‌لكێ ده‌ڤه‌رێ بتایبه‌تی و كه‌س و كارێن شه‌هیدێن سه‌ر بلند و پێشمه‌رگێن جانفیدا دكه‌ین، سه‌رێ رێز و رومه‌تێ دچه‌مینین بو شه‌هیدێن شوره‌شا ئه‌یلولێ و ته‌ڤ شه‌هیدێن رێكا بزاڤا ئازادیخوازا گه‌لێ كوردستانێ.
ژئه‌نجامێ سیاسه‌تا حه‌كیمانه‌یا سه‌ركردایه‌تیا شوره‌شا ئه‌یلولێ و ره‌نج و خه‌بات و تێكوشینا شوره‌شگێرێن كوردستانێ و رژدیا وان لسه‌ر بده‌ستڤه‌ئینانا مافێن گه‌لێ كوردستانێ، رژێما عێراقێ نه‌چار بوو دانپێدانێ ب مافێن ره‌وایێن گه‌لێ مه بكه‌ت و دروژه‌كا وه‌كی ئه‌ڤرو دا ڤێ رێككه‌فتنامێ ئیمزا بكه‌ت، بێگومان ئه‌ڤ رێككه‌فته دهێته هژمارتن ئێك ژ گرنكترین به‌لگه‌نامێن دیروكی دمێژوا بزاڤا ئازادیخوزا كوردستانێ دا كو دناڤه‌روكا ڤێ رێككه‌فتنامێ دا چه‌ندین مافێن خه‌لكێ كوردستانێ هاتنه مسوگه‌ر كرن كو هه‌تا ئه‌ڤرو ژی ڤه‌رێژا وان ره‌نگ ڤه دده‌ت.
دوباره ئه‌ڤ هه‌لكه‌فته ل هه‌می خه‌لكێ كوردستانێ پیروز بیت و سلاڤ بو گیانێ پاقژێ شه‌هیدێن شوره‌شا ئه‌یلولا مه‌زن و سه‌ر كاروانێ وان (بارزانیێ نه‌مرو ئیدریسێ هه‌رده‌م ساخ) هه‌ر ساخ و زیندی بمینیت ئه‌ڤ ده‌ستكه‌فتێ دیروكی.
لقا18
نڤێسینگه‌ها ره‌وشه‌نبیری و راگه‌هاندن
10/3/2014
