بەرپرسێ لقێ ئێكێ پارتی پێشوازی ل شاندەكێ قوتابیێن ئەلمانی كر
دهوك/ ئەڤرو ل بارەگایێ لقێ ئێكێ پارتی دیموكراتی كوردستان بەرێز(عەمەر ئورەیی) بەرپرسێ لقێ ئێكێ پارتی ب وەكالەت ب ئامادەبونا ژمارەكا كارگێرێن لقێ و بەرپرسێ لقێ زانكو و پەیمانگەهێن دهوكێ یا (ی.ق.ك)پێشوازی ل شاندێ قوتابیێن ئەلمانی كر ئەوێن ب مەرەما چێكرنا ڤەكولینێن زانستی یێن دەرچونێ ژ زانكویێن خو قەستا هەرێما كوردستانێ كرین و دێ ماوێ(8) روژان ل هەرێمێ مینن و شاندێ ناڤبری یێ پێكهاتیە ژ (23) قوتابیان.
مةسعود سةرنى بةرثرسىَ راطةهاندن ورةوشةنبیریا لقى 1 بوkdp.info دیاركر،د روینشتنەكێ دا و پشتی بخێرهاتنێ ل شاندێ ناڤبری بەرێز عەمەر ئورەیی خوشحالیا لقێ ئێكێ پارتی دیاركر ب هاتنا شاندێ ناڤبری بو هەرێما كوردستانێ و چێكرنا ڤەكولینێن زانستی یێن دەرچونێ ل سەر هەرێمێ و بارودوخ و مێژوویا وێ و دیار كر كو ئەڤە ژ پەیوەندی و دوستایەتیا وەلاتێ ئەلمانیا یە بو هەرێمێ و خەلكێ وێ و هەروەسان بەرپرسێ لقێ ب وەكالەت چەند رونكرنەك بەردانە سەر رەوشا هەرێمێ و پێشكەفتنێن ب خوڤە دیتین د هەمی بواراندا و بتاییبەتی بوارێن ئاڤاكرن و ئێمناهییێ و پێكڤە ژیانا هەمی ئول و نەتەوا.
دیسان بةرثرسىَ راطةهاندن ورةوشةنبیریا لقى 1 كوت،وژلایێ خوڤە شاندێ ناڤبری سوپاسیا لقێ ئێكێ پارتی كر بو ڤێ پێشوازیا گەرم و هاریكاری كرنا لقێ ئێك بو شاندێ ناڤبری ژبو ئاسانكاریان د كارو ڤەكولینێن واندا.
و ل دوماهییێ عەمەر ئورەیی ئامادەیی و پشتەڤانیا خو بو هەر كارەكێ پێتڤی دیاركر بو شاندێ ناڤبری.
