بەرپرسی لقی دوو، بە یەكڕیزیی ماڵی كورد دەستكەوتەكان دەپارێزرێن
بەرپرسی لقی دووی پارتی دیموكراتی كوردستان، عەلی حوسێن، دەڵێت، پێویستە لەپێناو بەرژەوەندیی گشتیی خەڵکی کوردستاندا، یەکریزیی نێو ماڵی کورد، پاراستنی ئەم ئەزموونە و دەستکەوتەکانی، ئامانجی سەرەکی هەموولایەک بێت.
لە درێژەی ئەو سمینارانەی لە یادی ( 35 ) مین ساڵیادی کۆچی دوایی مستەفا بارزانی نەمر لە شاری هەولێر بەرێوە دەچێت، ئەمرۆ لێژنەی ناوچەی راپەرین بە ئامادەبونی کارگێرانی لق و بەرپرسی ناوچە سمینارێکی بۆ عەلی حسین بەرپرسی لقی دوو رێکخست.
بەرپرسی لقی دوو لە سمینارەکەدا باسی لە وێستگەی خەبات و گەورەیی کاریزماو سەرکردە بارزانیینەمر کرد و هەروەها باسی لە کۆکردنەوەی گشت پێکهاتە و چین و توێژە جیاجیاکان لە نێو پارتی و شۆرشی بزاڤی رزگاریخوازی گەلی کوردستان و ئامانج و تێکۆشانی بۆ هێنانەکایەی بنەماکانی دیموکراسی ئازادی بۆ خەلکی کوردستان کرد.
لە تەوەرێکی تردا بەرپرسی لق ئاماژەی بە دەستکەوتە سیاسی و ئابوورییەکانی ئەمرۆی خەلکی کوردستان و ئالۆزییەکانی نێوان هەرێم و بەغدا کرد و تەئکیدی کردەوە دەبێ لەم یادەدا لە پێناو بەرژەوەندیی گشتیی خەلکی کوردستان یەکریزیی نێو ماڵی کورد و پاراستنی ئەم ئەزموونەو دەستکەوتەکانی، ئامانجی سەرەکی هەموولایەکمان بێت.
