شانده‌كێ رێكخراوا ئاى ئو ئێم یا ده‌وله‌تى سه‌ره‌دانا لقێ17 كر
شانده‌كێ رێكخراوا ئاى ئو ئێم یا ده‌وله‌تى سه‌ره‌دانا ده‌ڤه‌را شنگال كر و هاته پێشوازیكرن ژلایێ (سه‌ربه‌ست بابیرى) به‌رپرسێ لقێ هه‌ڤده یێ پارتى دیموكراتى كوردستان و هه‌ر دڤێ سه‌ره‌دانێ دا به‌حسێ ره‌وشا ده‌ڤه‌رێ ژ هه‌مى لایان ڤه هاته كرن و تایبه‌تى ژلایێ خزمه‌تگوزاریان ڤه.
و ژلایێ خوڤه شاندێ ناڤبرى مه‌ره‌ما سه‌ره‌دانا خو دا دیاركرن ئه‌وژى ژبو هاریكاریا خه‌لكێ كێم ده‌رامه‌تێ ده‌ڤه‌رێ ژبو په‌یداكرنا ژێده‌ره‌كێ ژیارێ بو ڤان خێزانان.
و هه‌ر دیسان ئه‌نجام دانا هژماره‌كا پروژێن خزمه‌تگوزارى كو دبه‌رژه‌وه‌ندیا گشتى یا ده‌ڤه‌رێ دا نه . هه‌ژى گوتنێ یه كو دڤان چه‌ند سالێن بورى دا هژماره‌كا پروژێن بچویك ژ لایێ ڤێ رێكخراوێ ڤه ژبو خه‌لكێ كێم ده‌رامه‌ت پێشكێشكرینه بو نه‌هێلانا بێكاریێ و ژلایێ خوڤه به‌رپرسێ لقێ هه‌ڤده ئاماده‌كارییان خو نیشان دا ژبو هه‌ر هاریكاریه‌كێ.
