به‌رپرسێ لقێ20 لدور كه‌سایه‌تیا پێشمه‌رگێ نوی د ناڤبه‌را كێم خوه دیتن و شانازیێ دا دپەیڤیت
ئه‌ڤرۆ سه‌نته‌رێ پێشمه‌رگه یێ ره‌وشه‌نبیری ل دهوكێ سمیناره‌ك بۆ به‌رپرسێ لقێ بیستێ پارتی (عه‌لی عه‌ونی) ل بن ناڤێ كه‌سایه‌تیا پێشمه‌رگێ نوی د ناڤبه‌را كێم خوه دیتن و شانازیێ دا .
د سمینارێ دا ل سه‌ر وێ ده‌رده سه‌ریا گه‌لێ كورد دیتی ل ژێر ده‌ستێ داگیركه‌رێن كوردستانێ و ڤێ چه‌ندێ گه‌له‌ك كاریگه‌ری ل سه‌ر كه‌سایه‌تیا مرۆڤێ كورد كریه و ژ لایێ ده‌روونی ڤه هه‌ستا خۆ بكێم زانینێ ل ده‌ف تاكێ كورد دروست ببیت.
ناڤبری ئاماژه‌كره رۆلێ خێزانێ د ئاڤاكرنا كه‌سایه‌تیا مرۆڤی دا و خێزانێن لاواز كه‌سێن لاواز ئاڤادكه‌ن، هه‌روه‌سا گوت ژی كولتۆر ژی رۆلێ خۆ د ئاڤاكرنا كه‌سایه‌تیا مرۆڤی دا دبینیت و ل ڤێره ژی تاكێ كورد كه‌فتیه بن كاریگه‌ریا كولتۆرێ ده‌ورو به‌ران.
د ته‌وه‌رێ دیێ سمینارا خۆ دا ناڤبری گوت: پێشمه‌رگه هیمێ هێزا خۆراگریا كوردانه و له‌و پێدڤیه خۆ ب هه‌سته‌كێ نه‌ته‌وه‌ی په‌وروه‌رده ببن.
