به‌رپرسێ لقێ 14 یێ پارتى پێشوازى ل شانده‌كێ ئێكگرتوویا ئیسلامیا كوردستانى كر
ئه‌ڤرۆ عسمه‌ت ره‌جه‌ب به‌رپرسێ لقێ چارده یێ پارتى دیمۆكراتى كوردستان ل باره‌گایێ لقێ پێشوازى ل شانده‌كێ ئێكگرتوویا ئیسلامیا كوردستانى ب سه‌رۆكاتیا به‌شیر فه‌تاح به‌رپرسێ بنگه‌هێ نه‌ینه‌وا كر.
د ڤێ هه‌ڤ دیتنێ دا هه‌ر دوو لا به‌حسێ ره‌وشا ئێمناهى و خزمه‌تگوزاریان ل پارێزگه‌ها مویسل و چه‌وانیا باشتركرنا ڤێ ره‌وشێ و پاراستنا گیانێ وه‌لاتیان ژ كریارێن تیرۆرستان كر.
ژ لایێ خۆ ڤه عسمه‌ت ره‌جه‌ب دووپاتكر كو پارتى دیمۆكراتى كوردستان ره‌وشا ئێمناهیا پارێزگه‌هێ گه‌له‌ك ب گرنگى دزانیت و د ڤى بیاڤى دا پێنگاڤێن باش هاڤێتنه. هه‌روه‌سا داخاز ژ ئێكگرتوویا ئیسلامیا كوردستانى كر كو رۆلێ خۆ ببینن د ئێك رێزیكرنا هه‌مى لایه‌نان نه‌خا سمه یێن كوردستانى بۆ ڤێ قۆناغا گرنگ یا كوردستان تێدا دبووریت.
