به‌رپرسێ لقێ 14 پێشوازى ل شانده‌كێ هوزانڤانێن مللى یێن پارێزگه‌ها مویسل كر

ئه‌ڤرۆ عسمه‌ت ره‌جه‌ب  به‌رپرسێ لقێ چارده‌ یێ پارتى دیمۆكراتى كوردستان ل باره‌گایێ لقێ پێشوازى ل شانده‌كێ هوزانڤانێن مللى یێن پارێزگه‌ها مویسل كر.

د ڤێ دیدارێ دا به‌رپرسێ لقێ ب خێرهاتنا شاندێ ناڤبرى كر و به‌حسێ گرنگیا كۆمه‌ل و رێكخستنێن ره‌وشه‌نبیرى و جڤاكێ سڤیل دناڤ جڤاكێ بۆ به‌لاڤكرنا گیانێ برایه‌تى و پێكڤه‌ژیانێ د ناڤبه‌را هه‌مى پێكهاتان بێى جوداهى و نه‌خا سمه‌ هوزانڤان دشێن ب په‌یڤ و ده‌ربرینێن ئه‌ده‌بى كارى ل وژدانا مرۆڤى بكه‌ن.
پاشى چه‌ند هوزانڤانان هوزانێن خۆ خاندن و هه‌مى ل سه‌ر ڤیانا وه‌لاتى و به‌لاڤكرنا گیانێ برایه‌تیێ و پێكڤه‌ ژیانێ بوون.
ل دویماهیا ڤێ دیدارێ دا شاندێ مێهڤان چه‌ند پێشنیار و داخازێن خه‌لكێ ده‌ڤه‌رێ گه‌هاندنه‌ به‌رپرسێ لقێ چارده‌.