لقێ8 سال روژا دامه‌زراندنا هه‌ردوو رێكخراوێن (ی.ق.ك)و(ی.ل.د.ك) پیروزكر
ب هه‌لكه‌فتا سالروژا دامه‌زراندنا ئێكه‌تیا قوتابیێن كوردستانێ ولاوێن دیموكراتا كوردستانێ .وب مه‌ره‌ما پیروزكرنا بورینا 61 سالان لسه‌ر دامه‌زراندنا هه‌ردوو رێكخراوێن ناڤبری ئه‌ڤرو روژا سێ شه‌مبێ رێكه‌فتی 18/2/2014 شادنده‌ك ژ لقێ8 پارتی دیموكراتی كوردستان وب سه‌رپه‌رشتیا ئه‌ندامێ جڤاتا سه‌ركردایه‌تیا پارتی دیموكراتی كوردستان وپه‌رپرسێ لقێ8 ( سه‌ربه‌ست له‌زگین) سه‌ره‌دانا ئێكه‌تیا قوتابیێن كوردستانێ لقێ زاخو وئێكه‌تیا لاوێن دیموكراتا كوردستانێ ناڤه‌ندا زاخو جودا كر .
وهاته پێشوازی كرن ژلایێ بارزان موسته‌فا به‌رپرسێ لقێ زاخو یێ (ئ.ق.ك )و شه‌مدین عبد الرحمان به‌رپرسێ ناڤه‌ندا زاخو یا (ئ.ل.د.ك )ودروینشتنێن جودا دا به‌رپرسێ لقێ 8 پارتی سالروژا دامه‌زراندنا هه‌ردوو رێكخراوێن ناڤبری پیروزكر .
وهه‌ر بڤێ هه‌لكه‌فتێ به‌رپرسێ لقێ8 پارتی دیموكراتی كوردستان ( سه‌ربه‌ست له‌زگین ) وشاندێ لگه‌ل پشكداری دئاهه‌نگا بورینا 61 سالان لسه‌ر دامه‌زراندنا (ئ.ق.ك ) ئه‌وا هاتیه سازكرن ب هه‌ڤكاری لگه‌ل زانكویا زاخو كر ودپه‌یڤه‌گێ دا بو ده‌زگایێن راگه‌هاندنێ به‌رپرسێ لقێ8 پارتی دیموكراتی كوردستان ئاماژه دا برولێ گرنگێ هه‌ردوو رێكخراوێن ناڤبری كر ودیاركر قوتابی ئه‌و چینا هشیار وچه‌له‌نگ وهه‌رده‌م ئاره‌زویا نوی وگهورینێ هه‌یه ودڤێن جڤاك پێش بكه‌ڤت دگه‌ل په‌ره‌سندێن ده‌می گه‌شێ بكت . پێك هاتا چینا قوتابیان تێكه‌لیه‌ك به‌رفره وب زه‌ڤه‌ر وخودان وه‌راره. چونكی ژهه‌می ته‌خ وتویژێن جڤاكی پێك دئێت ودناڤه‌ندێن خواندنێ دا په‌یكه‌ره‌ك ب هێز وئێك گرتی پێك دئینن وب رژدی وزیندوی وهزر وتیژی پێگاڤا دئاڤێًن ..وراگه‌هاند ژی بزاڤا قوتابیان لدویڤ حه‌ز وپه‌رژه‌وندیێن نیشتمانی ونه‌ته‌وه‌ی ئارمانجێن خوه دراشتینه ودهه‌می قوناغێن ململانا سیاسی دا قوتابیێن كوردستانێ ب وێره‌كی وچاڤ نه ترس بزاڤ دكر ودیاركر كو ئێكه‌تیا قوتابیان ئه فێرگه‌ه بی ب سه‌دان كه‌سێن لێهاتی ونیشتمان په‌روه‌ر پێگه‌هاندین وپتریا كه‌سایه‌تیێن وه‌لات پارێز وسیاسه‌تمه‌دار وانێن كوردینیێ ژ په‌یره‌و ورێبازا وێ وه‌رگرتینه ول روژگارا ئازادیێ ژی خوه بخودانا سه‌ربورا دیموكراسی وپێش ئێخستنا جڤاكێ كوردستانێ دزانت ودرێكا خزمه‌تكرنا قوتابیاندا ل زانكو وپه‌یمانگه‌هان وهه‌می ناڤه‌ندێن خواندنێ وهشیاركرنا جڤاكی ب پێشكه‌فتنێن سه‌رده‌م وقوتابیێن كوردستانێ ئومێد وئایندێ گه‌لێ مه‌نه .
