بهەلكەفتا 18 شواتی ئاهەنگەك بو هەردوو ریكخراوان ل ئامیدیێ هاتە سازكرن
ب مەرەما پیروزكرنو بلند راگرتنا روژا(18)ی شواتێ سال روژا دامەزراندنا ئێكەتیا قوتابیێن كوردستانێ و ئێكەتیا لاوێن دیموكراتا كوردستانێ و بورینا (61)سالان ل سەر ژیێ هەردوو رێكخراوێن جەماوەریێن ناڤبری ئەڤرو ل روژا سێ شەمبی رێكەفتی(18 شواتا سالا2014) وب ئامەدەبوونا (فەریق فاروق ) بەرپرسێ لقێ 18 وهەژمارەكا كارگیرو ئەندام وریڤەبەرینَ میری وقوتابی و لاو ئافرەت وخەلكێ دەڤەرێ ئاهەنگەكا جەماوەرێ بو قوتابی لاوین دەڤەرا ئامێدیێ ل هولا ئالان ل ناحیا شێلادزێ سەر ب قەزا ئامیدیی ڤە هاتە سازكرن.
لدەسپێكی (محسن ئەرتیسی ) بەرپرسێ ناڤەندا بالا یا (ی.ل.د.ك) دپەیڤەكی دا ئاماژە دا وێ خەباتا كو پێشی 61 سالان ژلایێ هەردوو ریكخراوان ڤە هاتیە ئەنجامدان ژبوی پاراستن و بەرەڤانیكرن ژ ئاخا هەریما كوردستانی وشەهیدێن ئەڤان هەردوو ریكخروان نموونە نە بو ڤێ چەندێ ودێ خەباتا ئەڤان هەردوو ریكخروان دێ یا بەردەوام بیت بو هەردوو تەخێن قوتابی و لاوان وئاخا كوردستانێ .
لدیڤدا (فەریق فاروق ) بەرپرسێ لقێ 18 ئاماژە دا وێ چەندێ كو هەردەم ئەڤان هەردوو ریكخروان مل ب ملێ هێزین بەرڤانیكرنا كوردستانێ خەبات كریە وهاریكا ر بووینە بو هەر كارەكی كو كوردستان پێدڤی پێ هەبیت.
ناڤبری دیاركر ژی كو هەردەم پارتی دیموكراتی كوردستان بشتەڤانیا ئەڤان هەردوو ریكخراوان كریە ودێ بشتەڤان ژی بیت بو هەر داخوازیەكا وان ژبوی برێڤەبرنا كارو بارێن خوە وخزمەتكرنا تەخا قوتابی و لاوان .
دیسان بەرپرسێلقێ 18 ئاشكەرا ژی كر كو زوربەیا سەركردێن نها ێن پارتی و كوردستانی قوتابیێن ڤان رێكخراوان بوون ولڤان رێكخراوان پێگەهشتی نە ورولێ خوە دییتیە دناڤا گورەپانا سیاسیا كوردستانێ دا.
پاشان ژی ئاهەنگێ دەست پێكر وچەندێن ستران و هوزان و كارێن هونەرێ هاتنە سازكرن .
