ل ئامێدیێ ، به‌رپرس و کادرێن لقێ 18پیروزباهیان ل هەردوو ئێکەتیێن قوتابى ولاوان دکەن
بهەلکەفتا 61 سالڤه‌گه‌را دامەزراندنا هەردوو ئێکەتیێن قوتابى ولاوێن دیموکراتا کوردستانێ هێژا (فه‌ریق فاروق) به‌رپرسێ لقێ 18یێ پارتی دیموکراتی کوردستان ب یاوه‌ریا شانده‌کێ پێکهاتی ژ ته‌ڤایا کارگێر و کادرێن لقێ 18 ل هولا روشه‌نبیری و هونه‌ریا ئامێدیێ پیروزباهیێن خو ئاراسته‌ی به‌رپرس و کارگێر و ئه‌ندامێن هه‌ردوو لقێن ناڤهاتی کرن ل ده‌مژمێر 10:30 سپێده‌یا روژا سێ شه‌مبی رێکه‌فتی 18/2/2014 و ب گه‌رمی هاتن پێشوازیکرن.
د کورته په‌یڤه‌کێدا به‌رپرسێ لقێ بناڤێ ته‌ڤایا کارگێر و کادرێن لقێ 18 پیروزباهی ل هه‌می ئه‌ندام و لایه‌نگرێن هه‌ردوو ئێکه‌تیان کرن و داخوازا به‌رده‌وامی و سه‌رکه‌فتنێن مه‌زن بو کر و ئاماژه دا خه‌باتا دوور و درێژا هه‌ردوو ئێکه‌تیان و قوربانیێن بێ سنور یێن پێشکێشی گه‌ل و وه‌لاتێ خو کرین و گوت: سه‌ربلندین ب ڤان رێکخراوان کو هه‌ر ئێک ژمه ل ده‌مه‌کی تێدا ئه‌ندام بوویه و هیڤیدارین پتر مفا ژ هه‌مه پێشکه‌فتن و شیانێن به‌رده‌ست وه‌رگرن بو پتر خزمه‌تکرنا کوردستانێ و پارتی دیموکراتی کوردستان كر. ل داویا په‌یڤا خو به‌رپرسێ لقێ به‌رهه‌ڤیا لقێ دوپاتکر بو هه‌ر هاریکاری و پشته‌ڤانیه‌کا پێتڤی چ مادی یان مه‌عنه‌وی بیت بو هه‌ردوو ئێکه‌تیان و ده‌ستخوشی لێ کر بو بزاڤ و چالاکیێن وان یێن به‌رده‌وام.
ژ لایێ خوڤه (محسن ئه‌رتیسی) به‌رپرسێ لقێ ئامێدیێ یێ لاوێن دیموکراتا کوردستانێ ب ناڤێ هه‌ردوو لقان سوپاسیا لقێ 18 کر بو ڤێ گرنگیدانێ و پیروزباهیان و دوپاتکر کو هه‌رده‌م لقێ 18 پشته‌ڤانێ مه‌زن بوویه بو هه‌ردوو ئێكه‌تیان و سوپاسیا به‌رپرسێ لقێ کر بو په‌یڤا جه‌نابێ وی یا پر بها و سوزدا هه‌می شیانان بمه‌زێخن پێخه‌مه‌ت خزمه‌تکرنا گه‌ل و وه‌لاتێ خو و لسه‌ر رێبازا پیروزا بارزانیێ نه‌مر.
