لقێ 18 پیروزباهیان ئاراستەى هەردوو ئێکەتیێن قوتابى ولاوێن دیموکراتا کوردستانێ دکەت

هه‌لكه‌فتا بیره‌وه‌ریا دامه‌زراندنا ئێكه‌تیا قوتابى و لاوێن دیموكراتا كوردستانێ لقێ هه‌ژده‌ بروسكه‌ك پیرۆزباهیێ  ب ڤێ هه‌لكه‌فتا پیرۆز و دیرۆكى پێشكێشى  هه‌مى ئه‌ندام و لایه‌نگرێن وێ كرن و ئه‌ڤه‌ژى ده‌قێَ وێ یه‌:

دامه‌زراندنا ئێكه‌تیا قوتابى و لاوێن دیمۆكراتا كوردستانێ ل ده‌مه‌كى بوو كو ئه‌ڤ ته‌خا جڤاكى یا په‌رت و به‌لاڤ بوو و بارزانیێ نه‌مر و سه‌ركرداتیا پارتى هه‌ر زوى هه‌ست بڤێ ڤالاهیێ كر و بریاردان كو ئێكه‌تیه‌ك بۆ قوتابى و لاوێن كوردستانێ بهێته‌ دامه‌زراندن، بۆ خزمه‌تكرنا ڤێ ته‌خا گرنگ و هه‌روه‌سان هه‌مى شیانێن ڤێ ته‌خێ بهێنه‌ رێكخستن دا ئه‌و ژى بشێن بڤێ یه‌كێتیا خۆ رۆلێ خۆ د بزاڤا رزگاریخازا كوردى دا بگێرن. بارزانیێ نه‌مر هه‌رده‌م پشته‌ڤانێ ڤێ ته‌خێ بوو و هه‌ر ژ به‌ر ڤى رۆلێ گرنگێ قوتابى و لاوان د شۆره‌شا كوردى دا بارزانیێ نه‌مر دگوت: قوتابى سه‌رێن رومێنه‌ د شۆره‌شێ دا و لاو شویرهێن پیلایێن شۆره‌شێنه‌.
هیڤیا مه‌ ئه‌وه‌ ئه‌ڤ هه‌لكه‌فتا پیرۆز ببیته‌ هانده‌ر بۆ پتر خۆرتكرنا بزاڤا لاو قوتابیان ژبۆ ب ده‌ستڤه‌ ئینانا هه‌مى مافێن وان و پێشڤه‌ برنا زانین و ئاڤه‌دانیێ ل كوردستانێ. ئه‌م ڤێ بیره‌وه‌ریێ بلند دنرخینین و سه‌رێ رێزگرتنێ بۆ هه‌مى شه‌هیدێن قوتابى و لاوێن دیمۆكراتێن كوردستانێ دچه‌مینین.

 

                            لقا18 یا پارتى دیموکراتی کوردستان

                               نڤێسینگەها رەوشەنبیرى و راگەهاندن

                                           17/2/2014