روونكردنەوەیەك لە مەكتەبی وتەبێژی مەكتەبی سیاسی پارتی دیموكراتی كوردستان

     دیارە بەرێز سەبری ئۆك بە ناوی كەجەكە لە فورات نیوز بە هەمان شێواز و بە هەمان مەبەستی نارەوایبەرێز صالح گەدو بە ناوی كانتۆنی جەزیرە لە كوردستانی رۆژئاوا لە رۆژنامەی هاوڵاتی لە بەرواری 15/2/2014 پڕوپاگەندەیەكی نزم دژی هەڵوێستی كوردستانی و نەتەوەیی و دیموكراسی پارتیمان بەرامبەر كانتۆنەكانی پەكەكە لە كوردستانی رۆژئاوا بڵاو دەكاتەوە , بەڕای ئێمە ئەو كانتۆنانەی هەیە سەرو سیمایەكی كوردستانی و دیموكراسی پێوە دیار نییە ، بەڵكو بەردەوامی دانە  بە هەمان سیاسەتی تاكڕەو و خۆسەپاندنی جارانی پەكەكە و پەیەدەیە  و هەمان هەڵە مێژووییەکان دووبارە دەكەنەوە .  بۆیە ئەو هەموو پڕوپاگەندە نزم و تۆمەتانە رەتدەكەینەوە و دووپاتیشی دەكەینەوە  كە بەردەوام دەبین لە پێشكەشكردنی هەموو پشتیوانییەكی سیاسی و دیبلۆماسی و مرۆیی بۆ كوردستانیانی رۆژئاوا  و تەئكید دەكەینەوە كە پەیەدە هێشتا دەرفەتی لە بەردەم ماوە بە هەڵەكانی خۆیدا بچێتەوە و راستیان بكاتەوە  و ناكرێت چارەنووسی میللەتێك بە تاكڕەوی بەرێوە ببردرێت و دەبوایە پەكەكە لە جیاتی ئەوەی تۆمەت بخاتە پال پارتیمان،  رۆلی خۆی وەكو پێویست بگێرێت و سنورێك دابنێت بۆ هەموو ئەو هەلوێست و رەفەتارانەی پەیەدە كە زیانەكی ئاشكرا بە دۆزی رەوای كوردی رۆژئاوا دەگەیەنێت.

 

 

 

                                                                 مەكتەبی وتەبێژی مەكتەبی سیاسی

                                                                 پارتی دیموكراتی كوردستان

                                                                   16/2/2014