70كادرێن سنورێ لقێ 20 به شدارى وه‌رزه‌كێ ره‌وشه‌نبیرى دبن

ژبو به‌رهه‌ڤكرنا كادره‌كێ پێشكه‌فتى و خودان شیان و ئه‌كتیڤ دناڤ جڤاكێ مه‌ دا و ژبو پتر خزمه‌تكرنا خه‌لكێ ده‌ڤه‌رێ ئه‌ڤرو ب به‌رهه‌ڤبوونا (عه‌لى عه‌ونى)  به‌رپرسێ لقێ بیستێ پارتى دیموكراتى كوردستان ل قه‌زا شێخان و هژماره‌كا كارگێر و ئه‌ندامێن لقێ بیست نڤیسینگه‌ها ره‌وشه‌نبیرى و جڤاكى یا لقێ بیستێ پارتى دیموكراتى كوردستان ل شێخان وه‌رزه‌كێ ره‌وشه‌نبیرى كو دێ دوو روژان ڤه‌كێشیت بو حه‌فتێ كادرێن سنورێن لقێ بیستێ پارتى ل قه‌زا شێخان  لدور بابه‌تێ هونه‌رێ په‌یوه‌ندى كرنێ ڤه‌كر .

 د په‌یڤه‌كێ دا به‌رپرسێ لقێ بیستێ پارتى دیموكراتى كوردستان به‌حسێ گرنگیا ڤه‌كرنا ڤان ره‌نگه‌ وه‌رزێن ره‌وشه‌نبیرى بو كادرێن پارتى كر و دیاركر كو پێدڤى یه‌ كادرێن پارتى دیموكراتى كوردستان هه‌رده‌م د وه‌رار و پێشڤه‌چوون و خزمه‌تكرنێ دا بن و رولێ خو یێ كاریگه‌ر و ئه‌كتیڤ دناڤ جڤاكى دا ببینن و به‌رده‌وام د خزمه‌تا هه‌مى ته‌خ و چینێن جودا یێن جڤاكى دابن ژبه‌ركو هه‌رده‌م خو ل كێشه‌ و ئاریشێن جه‌ماوه‌رێ كوردستانێ كریه‌ خودان و هه‌رده‌م د خزمه‌تا وه‌لاتیێن هه‌رێما كوردستانێ دایه‌.