به‌رپرسێ لقێ 17 یێ پارتى دگه‌ل هژماره‌كا زور ژ ئافره‌تێن ده‌ڤه‌را شنگال كومبوو
ئه‌ڤرو سه‌ربه‌ست بابیرى به‌رپرسێ لقێ هه‌ڤده یێ پارتى دیموكراتى كوردستان ل قه‌زا شنگال ب به‌رهه‌ڤبوونا به‌رپرس و ئه‌ندامێن جڤاتا قه‌زا شنگال یا ئێكه‌تیا ئافره‌تێن كوردستانێ دگه‌ل هژماره‌كا زور ژ ئافره‌تێن ده‌ڤه‌را شنگال كومبوو.
د وێ كومبونێ دا به‌رپرسێ لقێ هه‌ڤده یێ پارتى به‌حسێ گرنگیا رولێ ئافره‌تان د جڤاكى دا و پشكداریا وێ مل بملێ زه‌لامى ڤه ژبو خزمه‌تكرنا كوردستانێ د هه‌مى بیاڤێن ژیانێ دا كر هه‌روه‌سا دیاركر كو ئافره‌ت ستوینا جڤاكى نه و فاكته‌رێ سه‌ره‌كى نه بو په‌روه‌رده‌كرن و پێش ئێخستنا جڤاكان و د بزاڤا رزگارى خوازا ملله‌تێ كوردستانێ دا ئافره‌تێ روله‌كێ مه‌زن هه‌بوویه و هه‌رده‌م هێمایى هه‌ستێ نه‌ته‌وایه‌تى و كورد په‌روه‌ریێ بووینه و لدویماهیێ به‌رپرسێ لقێ هه‌ڤده یێ پارتى به‌رهه‌ڤیا لقێ بو هه‌ر هاریكاره‌یكا پێدڤى دیاركر.
