لقێ 18 یادا راگه‌هاندنا یه‌كگرتوو پیروزدكه‌ت
ب نوونه‌راتیا هێژا (فه‌ریق فاروق) به‌رپرسێ لقێ 18 یێ پارتی دیموكراتی كوردستان شانده‌كێ لقێ ب ئارمانجا لێ پیروزكرنا یادا راگه‌هاندنا یه‌كگرتووی ئیسلامی كوردستان سه‌را لقا ئامێدیێ یا یه‌كگرتوو دا .
كارگێرێن لقێ 18(پ.د.ك) (عه‌ونی ئه‌رتیسی) به‌رپرسێ نڤێسنگه‌ها روشه‌نبیری و راگه‌هاندن و (ئیبراهیم ئه‌حمه‌د ) ژ نڤێسنگه‌ها په‌یوه‌ندییان دگه‌لدا هه‌ژماركا كادرێن لقێ 18 سه‌ره‌دانا لقا ئامێدیێ یا یه‌كگرتووی ئیسلامی كوردستان كرن و ژلایێ نسره‌ت اسلام به‌رپرسێ لقا یه‌گكرتوو و ئه‌ندامێن لقا ناڤهاتی هاتن پێشوازیكرن.
كارگێرێن لقێ 18عه‌ونی ئه‌رتیسی بناڤێ لقێ پیروزباهی ل به‌رپرس و كادرێن لقا ئامێدیێ یا یه‌كگرتوو كرن و د روونشتنه‌كێدا به‌حسێ ره‌وشا ئه‌ڤرو یا كوردستانێ بگشتی و ده‌ڤه‌را ئامێدیێ بتایبه‌تی هات كرن و ئاماژه دا په‌یوه‌ندیێن برایانه و موكوم دناڤبه‌را پارتی و یه‌كگرتوودا.
و ئه‌ڤ سه‌ره‌دانه بوو جهێ دلخوشیا لقا ئامێدیێ یا یه‌كگرتوو و سوپاسیا شاندێ لقێ 18 كر.
