عبدالخالق بابیری پێشوازی ل شاندەكێ مەلبەندێ حزبا سوسیالیستا دیموكراتا كوردستانێ كر
ئەڤرو سپێدێ ل روژا پێنچ شەمبی رێكەفتی(6/2/2014) ل بارەگایێ لقێ ئێكێ پارتی بەرێز (عبدالخالق بابیری) ئەندامێ ئەنجوومەنێ جڤاتا سەركردایەتیا پارتی دیموكراتی كوردستان و بەرپرسێ لقێ ئێكێ پارتی و ب ئامادەبونا(د.نەوزاد بامەرنی)بەرپرسێ نڤیسینگەها پەیوەندیێن لقێ ئێك پێشوازی ل شاندێ مەلبەندێ دهوك یێ حزبا سوسیالستا دیموكراتی كوردستان كر دروینشتنەكێ دا و وێرای بخێرهاتنێ ل شاندێ مێهڤان(عبدالخالق بابیری)خوشحالیا خو دا دیاركرن ب ڤێ سەرەدانێ و پاشان بابیری چەند رونكرنەك بەردانە رەوشا نوكە هەرێم تێدا دبوریت و نویترین پێشهاتێن سیاسی دانە دیاركرن و هەروەسان تەكەز ل سەر پێكڤە ژیانا گشت و ئول مەزهەبان و نەتەوان ل هەرێما كوردستانێ كر و بەرپرسێ لقێ بەحس ل سەر گرنگیا پەیوەندیێن دوو قولی كرن دناڤ بەرا حزب و لایەنێن سیاسی ل سەرانسەری هەرێمێ و پاشی عبدالخالق بابیری كەیفخوشیا خو دیاركر ب نیاسینا بەرپرسێ نویێ مەلبەندێ حزبا ناڤبرو ل دهوكێ و داخازا سەركەفتنێ بو خاست. وژلایێ خوڤە شاندێ مێهڤان خوشحالیا خو دەربری ب ڤێ پێشوازیكرنێ و دیار كرن كو مەرەم ژڤێ سەرەدانێ خورتكرنا پەیوەندیانا دگەل لقێ ئێكێ پارتی و دانەنیاسینا بەرپرسێ نویێ مەلبەندێ دهوكێ بو بەرپرسێ لقێ و ل دوماهیێ بەرپرسێ لقێ (عبدالخالق بابیری)هاریكاری و پشتەڤانیا خو بو هەر كارەكێ پێتڤی دا دیاركرن.
