شاندێکى مەکتەبى سیاسى پارتى دیموکراتى کوردستان سەردانى بارەگاى مەکتەبى سیاسى یەکگرتووى ئیسلامى کوردستانیان لە شارى هەولێر کرد

بەمەبەستى پیرۆزبایى ساڵیادى راگەیاندنى یەکگرتوى ئیسلامى کوردستان، ئەمرۆ شاندێکى مەکتەبى سیاسى پارتى دیموکراتى کوردستان پێک هاتبون کاکەمین نەجار سەرۆکى ئەنجومەنى سەرکردایەتى پارێزگاى هەولێرى پارتى و ئەحمەد کانى بەرپرسى مەکتەبى ناوەندى پەیوەندییە نیشتمانیەکانى کوردستانى و عێراقى، عەلى حوسین بەرپرسى لقى دوو و ژمارەیەک پەرلەمانتارى لیستى زەردو ئەندامانى سەرکردایەتى پارێزگاى هەولێر و کارگێرانى لق و ئەندامانى پەیوەندییە نیشتمانیەکان سەردانى بارەگاى مەکتەبى سیاسى یەکگرتووى ئیسلامى کوردستانیان لە شارى هەولێر کردو لە لەلایەن مەحمەد فەرەج ئەمیندارى گشتى و ئەندامانى مەکتەبى سیاسى پێشوازى کران ... لە دیدارێکدا شاندى پارتى دیموکراتى کوردستان بەبۆنەى 20 هەمین ساڵیادى راگەیاندنى یەکگرتووى ئیسلامى کوردستان پێرۆزباییان ئاراستەى ئەمیندارى گشتى و ئەندامانى مەکتەبى سیاسى و سەرکردایەتى و کادیرو ئەندامانى یەکگرتوى ئیسلامى کرد، هەروەها هیوایان خواست ئەم یادە هاندەرو هەنگاوێکى دیکە بێت بۆ تێکۆشان لە پێناو پێشکەوتنى زیاتر و پاراستنى ئەزموونى دیموکراسى ودەستکەوتەکانى گەلى کوردستان، هەر لە دیدارەکەدا جەخت لە قوڵبونەوەى پەیوەندییەکانى نێوان پارتى دیموکراتى کوردستان و یەکگرتوى ئیسلامى کوردستان و هاوهەلوێستى گشت حزب و لایەنە سیاسیەکان لە پێناو یەکخستنى نێو مالى کورد ونزیک بوونەوەى بیروراکان لەبەرامبەر پێکهێنانى کابینەى داهاتوى حکومەتى کوردستان و هەموو پرسەکانى تر کە رووبەروى هەرێمى کوردستان دەبێتەوە کرایەوە.