به‌رپرسێ لقێ8 سه‌ره‌دانا رێڤه‌به‌ریا شه‌هید و ئه‌نفالكریان دكه‌ت
زاخو-KDP.info/ ل سپێده‌هیا روژا سێ شه‌مبى رێكه‌فتى 4/1/2014 سه‌ربه‌ست له‌زگین به‌رپرسێ لقێ 8 پارتى دیموكراتى كوردستان ل زاخو سه‌را رێڤه‌به‌ریا شه‌هید و ئه‌نفالكریان ل زاخو دا و ژلایێ محه‌مه‌د حاجى رێڤه‌به‌رێ رێڤه‌به‌ریا شه‌هیدان ڤه هاته پێشوازى كرن.
درینشتنه‌كێ دا پشتى محه‌مه‌د حاجى رێڤه‌به‌رێ شه‌هیدان كورتیه‌ك دایه كارێ رێڤبه‌ریێ و به‌رنامه و پلانا حكومه‌تێ بو داهاتى سه‌ربه‌ست له‌زگین ده‌ست خوشى ل رێڤه‌به‌ریا ناڤبرى كرن ژبو كارئاسانى و خه‌مخوریا وان دگه‌ل وێرسێن شه‌هیدان و ئه‌و خزمه‌تێن رێڤه‌به‌ریا وان پێشكێشى خێزانێن شه‌هیدان دكه‌ن و دیار كر كو هه‌ر خزمه‌ته‌كا ژبو خێزانێن شه‌هیدان بهێته كرن ناگه‌هیته هه‌مبه‌رى دلوپه‌كا خوینا شه‌هیدان له‌ورا دڤێت هه‌مى لایه‌ك ب دلسوزى دخزمه‌تا خێزانێن شه‌هیدان دا بن و پشته‌ڤانیا لقێ 8 بو كاره‌كێ دبه‌رژوه‌ند دا دووپات.
هه‌ر ئه‌ڤرو سه‌ربه‌ست له‌زگین و شاندێ دگه‌ل دا سه‌را بنگه‌هێ بهار یێ به‌لاڤكرنا كارتێن ده‌نگدانێ كر و خوشحالیا خو هه‌مبه‌ر ڤێ پێنگاڤا كومسیونێ ده‌ربرى و دیار كر كو وه‌كو پارتى هه‌مى ده‌مان پشته‌ڤانین كو كومسیون كارێن خو بشێوه‌كێ سه‌ربه‌خو و دویر ژ هه‌ر ده‌ستكاریه‌كێ ئه‌نجام بده‌ت.
دهێته زانین كو كومسیونا بلندا هه‌لبژارتنا كارتێن تایبه‌ت بو ده‌نگده‌را دروست كرینه بو پتر رێكخستن و شه‌فافیه‌تا كارێ كومسیونێ.
