په‌یاما لقێ 18 (پ.د.ك) بهه‌لكه‌فتا بیره‌وه‌ریا تاوانا ئێكی شوباتێ
__2014_02_01_h10m46s47__RJ.jpg)
رێزگرتن بو شه‌هیدێن تاوان و كاره‌ساتا ئێکێ شوباتا سالا (2004)ێ و ئیدانه‌كرن بو ڤێ كریارا هوڤانه و هه‌می كریارێن تیرورستی لقێ هه‌ژده یێ پارتی دیموكراتی كوردستان بروسکه‌ک به‌لاڤكریه و ئه‌ڤا ل خوارێ ده‌قێ وێ یه :-
بهه‌لکه‌فتا بیره‌وه‌ریا سالڤه‌گه‌را تاوانا ئێکێ شوباتا سالا (2004)ێ سه‌رێ رێزو نه‌وازشێ بو شه‌هیدێن ڤێ کاره‌ساتێ و سه‌رچه‌م شه‌هیدێن گه‌لێ کوردستانێ دچه‌مینین وسلاڤا دهنێرین بو مالباتێن وان .
لرێکه‌فتی (2004/2/1)ێ رۆژا ئێکێ یا چه‌ژنا قوربانا پیروز و د کریاره‌کا تیروریستیدا باره‌گایێ لقێ (2)یێ پارتی دیموکراتی کوردستان و مه‌لبه‌ندێ (3)یێ یه‌کێتی نیشتیمانی کوردستان که‌فتنه به‌ر که‌رب وکینا تیروریستا ود ئه‌گه‌رێ ڤێ کریارا تیروریستیدا بده‌هان سه‌رکرده و کادرێن پێشکه‌فتی و هاولاتیێن بێ گونه‌هـ بوونه قوربان.
هه‌لبه‌ت ئه‌ڤ تاوانه درێژه‌پێدنا وان زنجیره تاوانێن هوڤانه‌یه ئه‌وێن رژێمێن ئێك لدووڤ ئێکێ و گروپێن تیروریستی و شووفێنستی بدرێژاهیا مێژووێ ب دژی خه‌لکێ کوردستانێ ئه‌نجامداین له‌وما هیڤیا مه ئه‌وه ئه‌ڤ هه‌لکه‌فته ببیته هانده‌ره‌ک ژبو موکم کرنا رێزێن گه‌لێ کوردستانێ بهه‌می پێکهاتاڤه پێخه‌مه‌ت پاراستنا وان ده‌سکه‌فتیان ئه‌وێن بخوینا گه‌شا شه‌هیدێن کوردستانێ هاتینه بده‌ستڤه ئینان .
لقێ هه‌ژده یێ
پارتی دیموكراتی كوردستان
٣١/١/٢٠١٤
