عبدالخالق بابیری پێشوازیا شاندەكێ لقێ زانكو یا(ی.ق.ك) كر
ئەڤرو نیڤرو ل روژا پێنچ شەمبی رێكەفتی(30/1/2014) ل بارەگایێ لقێ ئێكێ پارتی بەرێز(عبدالخالق بابیری)ئەندامێ جڤاتا سەركردایەتیا پارتی دیموكراتی كوردستان و بەرپرسێ لقێ ئێكێ پارتی پێشوازی ل شاندەكێ لقێ زانكو و پەیمانگەهێن دهوكێ یا(ئێكەتیا قەتابیێن كوردستانێ)كر.
د روینشتنەكێ دا و پشتی بخێرهاتنێ ل شاندێ مێهڤان بەرێز بەرپرسێ لقێ تەكەز ل سەر خەبات و مێژوویا ئێكەتیا قوتابیان كر د بزاڤا رزگاریخوازا مللەتێ كورد دا و دیار كر كو دامەزراندنا (ی.ق.ك)د وی دەمی دا پێتڤیەكا جەماوەری و جڤاكی بوو لەومان ل دیف رێنمایێن بارزانیێ نەمر ئەڤ رێكخراوە هاتە دامەزراندن و هەروەسان عبدالخالق بابیری ئیشارەت دا رولێ قوتابیان دناڤ بنگەه و مەلبەند و زانكویان دا ژبو هشیاركرنا هزرا نەتەوەیی ل دەف قوتابیان.
هەروەسان ژلایێ خوڤە شاندێ مێهڤان ب سەروكاتیا (شێروان ئەحمەد)بەرپرسێ لقا ناڤبری بەحس ل سەر بەرنامێ خو و ئامادەكاریێن لقا زانكو كر بو ساخكرنا بیرەوەریا (18)ی شواتێ سال روژا دامەزراندنا (ی.ق.ك)و دڤێ هەڤ دیتنێ دا ئارمێ ئێكەتیا قوتابیان شاندێ ناڤ بری پێشكێ شی بەرپرسێ لقا ئێك كر.
و ل دوماهیێ عبدالخالق بابیری ئامادەیی و پشتەڤانیا خو بو هەر جورە هاریكاریەكێ دا دیاركرن.
