بهه‌لكه‌فتا سالڤه‌گه‌را وه‌غه‌ركرنا جوانه‌مه‌رگ (ئیدریس بارزانی) لقێ 18بروسكه‌كا رێزگرتنێ به‌لاڤ دكه‌ت
لقێ 18 یێ پارتی دیموكراتی كوردستان بهه‌لكه‌فتا سالڤه‌گه‌را وه‌غه‌ركرنا جوانه‌مه‌رگ (ئیدریس بارزانی) بروسكه‌كا رێزگرتنێ به‌لاڤ كریه و ئه‌ڤا ل خارێ ده‌قێ وێیه:-
بهه‌لكه‌فتا بیره‌وه‌ریا سالڤه‌گه‌را وه‌غه‌ركرنا (ئیدریس بارزانی) یێ جوانه‌مه‌رگ سه‌رێ رێز و نه‌وازشێ بو گیانێ پاقژێ سه‌رجه‌م شه‌هیدێن كوردستانێ و سه‌ركاروانێ وان بارزانیێ نه‌مر و ئیدریسێ هه‌رده‌م ساخ دچه‌مینین و سلاڤان دهنێرین بو پێشمه‌رگێن دێرین و ته‌ڤایا خه‌باتكارێن پارتی و جه‌ماوه‌رێ كوردستانێ ، ب مخابنیڤه د روژه‌كا وه‌كو ئه‌ڤرودا ئانكو لرێكه‌فتی (31/1/1987)ێ سه‌ركردێ ژێهاتی و ئه‌ندازیارێ ئاشتیێ جوانه‌مه‌رگ (ئیدریس بارزانی) وه‌غه‌را دوماهیێ كر، ژ هه‌ژی گوتنێ یه جوانه‌مه‌رگ (ئیدریس بارزانی) روله‌كێ كاریگه‌ر گێرایه د شوره‌شا ئیلونێ دا و هه‌لگیرساندنا شوره‌شا گولانێ یا نیشتیمانی و پێشكه‌فتن خواز زێده‌باری سه‌ركردایه‌تیا ده‌هان داستانێن له‌شكه‌ری ، دیسان دبوارێ دبلوماسی و سیاسیدا دهێته هه‌ژمارتن ئێك ژ سه‌ركه‌فتی ترین سه‌ركرده لسه‌ر ئاستێ كوردستانێ و ده‌ڤه‌رێ ، هه‌روه‌سان شوون تبلێن وی د دیارن د دامه‌زراندنا به‌ره‌یێ جووت و به‌ره‌یێ كوردستانێ و ئاشته‌ڤاییا گشتیدا د وی سه‌رده‌می دا دناڤبه‌را ئالیێن سیاسیدا ل كوردستانێ ، له‌وما هیڤیا مه ئه‌وه ئه‌ڤ هه‌لكه‌فته ببیته هانده‌ره‌ك ژبو زێده‌تر خرڤه‌بوونا خه‌لكێ كوردستانێ ل ده‌ورێن رێبازا پارتی و بارزانی پێخه‌مه‌ت پاراستنا وان ده‌ستكفتان ئه‌وێن سه‌ركردێ جوانه‌مه‌رگ (ئیدریس بارزانی) هه‌می ژیانا خو بو ته‌رخان كری.
لقێ18 یێ
پارتی دیموكراتی كوردستان
