لقێ 8 تیما لاوێن ته‌پا پیێ یا یانا زاخو خه‌لات كر
ژبو پشته‌ڤانیا وه‌رزشێ ل ده‌ڤه‌را زاخو و به‌هه‌لكه‌فتا ب ده‌ستڤه‌ئینانا خولا هه‌رێما كوردستانێ سه‌ر ئاستێ لاوان و (68)ه‌مین سالڤه‌گه‌را راگه‌هاندنا كومارا كوردستان لقێ 8 پارتى دیموكراتى كوردستان تیما لاوێن ته‌پا پێ یا یانا زاخو خه‌لات كرن پشتى.
درنشتنه‌كێ دا دگه‌ل سه‌روكێ یانێ و راهێنه‌ر و یاریكه‌رێن تیما لاوان سه‌ربه‌ست له‌زگین به‌رپرسێ لقێ ده‌ست و سوپاسیێن لقێ ئاراسته‌ى ئاماده‌بوویان كر و خوشحالیا خو ب ده‌ستڤه‌ئینانا ڤێ قاره‌مانیێ ده‌ربرى و دیار كر كو ئه‌ڤرو روژه‌كا گرنگه دمێژوویا بزاڤا رزگاریخوازا كوردى دا ئه‌و ژى (68)ه‌مین سالڤه‌گه‌را كومارا كوردستانه ل روژهه‌لاتێ كوردستانێ و روناهیه‌ك به‌ردا سه‌ر چه‌وانیا دامه‌زراندنا كومارێ سه‌ر ده‌ستێ پێشه‌وا قازى محه‌مه‌د و رولێ بابێ روحیێ نه‌ته‌وێ كورد بارزانیێ نه‌مر دڤێ كومارێ دا دته‌وه‌ره‌كێ دى دا به‌رپرسێ لقێ به‌حسێ ره‌وشا وه‌رزشى ل كوردستانێ ئه‌و پێشڤوچوونا دڤان سالێن دووماهیێ دا بخوڤه دیتی و پویته‌دانا حكومه‌تا هه‌رێمێ بو وه‌رزشێ كر و دیار كر كو ئه‌ڤ قاره‌مانیا یانا زاخو ب ده‌ستڤه ئیناى جهێ سه‌رفه‌رازى و شانازیێ یه بو هه‌مى خه‌لكێ ده‌ڤه‌را زاخو و ئاماژه‌كێ گه‌له‌ك گرنگه بو یانا زاخو كو بشێت ل پاشه‌روژه‌كا نزیك دا پشت به‌ستنێ سه‌ر شیانێن لاوێن ده‌ڤه‌را زاخو بكه‌ت دقاره‌مانى و خولێن كوردستانێ و عیراقێ دا چونكى لاو بنیاتێ پاشه‌روژێ نه و به‌رهه‌ڤی و پشته‌ڤانیا لقێ 8 بو هه‌ر كاره‌كێ دبه‌رژه‌وه‌ندا وه‌رزشێ دا دووپات كر).
ژلایێ خو ڤه عبدالوهاب سه‌روكێ یانا سوپاسیا لقێ ژبو پشته‌ڤانیا وان یا به‌رده‌وام بو یانا زاخو و دیار كر ئه‌ڤ پشته‌ڤانیه ئه‌ركێ وان گرانتر دكه‌ت و پالده‌ره‌كێ سه‌ره‌كیه ژبو یاریكه‌ران كو پتر خو ماندى بكه‌ن و ده‌ستكه‌فتیێن باشتر بو ده‌ڤه‌را زاخو ب ده‌سڤه بینن .ل دیڤدا به‌رپرسێ لقێ خه‌لات پێشكێشى راهێنر و یاریكه‌ران كرن و داخازا سه‌ركه‌فتنێ ژێرا خاست.
