لقێ 8 هژماره‌كا گوهرینا دناڤ لێژنێن نافخویى دا ئه‌نجام دان
ژبو باشتر برێڤه‌چوونا كارێ رێكخستنێ لقێ 8 پارتى دیموكراتى كوردستان ل زاخو هژماره‌كا گورانكاریا دناڤ لێژنێن نافخویى دا ئه‌نجام دان و ل روژا سێ شه‌مبى رێكه‌فتى 21/1/2014 به‌رپرسێ لقێ دگه‌ل به‌رپرس و كارگێرێن لێژنان یێن نوى هاتینه گوهارتن و پله به‌رزكرن كومبوو.
دكومبونه‌كێ دا به‌رپرسێ لقێ پیروزباهى ل كادرێن ناڤبرى كرن و دیار كر كو ژبو به‌رژه‌وه‌ندا گشتى و كارێ پارتایه‌تى مه ب فه‌ر دیت ئه‌م هژماره‌كا گورانكاریا ل گوره‌ى هنده‌ك بنه‌ما و پره‌نسیپ و پیڤه‌رێن رێكخستنێ ئه‌نجام بده‌ین و ده‌هه‌مان ده‌م دا پلێن چه‌ند كادران ژى بلند بكه‌ین وئه‌م دوێ باوه‌ریێ داینه كو بڤێ چه‌ندێ هه‌م كارێ پارتایه‌تى دێ خورت تر لێ هێت و هه‌م پاداشت و رێزگرتنه‌كه بو كادرێن پلێن وان هاتینه به‌رزه‌كرن كو زه‌حمه‌ت و ماندیبوونا وان ژلایێ لقێ ڤه به‌رچاڤ دهێته وه‌رگرتن.
دته‌وه‌ره‌كێ دى یێ كومبوونێ دا به‌رپرسێ لقێ روناهى به‌ردانه سه‌ر ره‌وشا نافخویا زاخو و رێكخستنا پارتى و چه‌وانیا باشتركرنا كارێ پارتایه‌تى و ژكادرێن به‌رهه‌ڤبوویى خاست كو به‌رده‌وام كارێ خو دناڤ بنكێن جه‌ماوه‌رى دا ئه‌نجام بده‌ن و دناڤ خوشى و نه‌خوشیێن خه‌لكى دا بن.
ژ هه‌ژیه بێژین كو ئه‌و به‌رپرسێن هاتینه گوهارتن و دانان بڤى ره‌نگێ خوارێ بوون.صالح عیسا به‌رپرسێ ل.ن.گولان محه‌مه‌د خالد به‌رپرسێ ل.ن.سه‌رده‌م بو ل.ن.زاگروزمحه‌مه‌د مراد به‌رپرسێ ل.ن.زاگروز بو ل.ن.سه‌رده‌م ماجد كێسته‌ی به‌رپرسێ ل,ن.گولان بو به‌رپرسێ ل.ن.ده‌ركارمحسن شه‌فیق به‌رپرسێ ل.ن.ده‌ركار بو ل.ن.هیزل.
