په‌یاما لقێ 18 ب هه‌لكه‌فتا سالڤه‌گه‌را دامه‌زراندنا كومارا (كوردستان) ل مهابادێ
لقێ18 یێ پارتى دیموكراتى كوردستان ب هه‌لكه‌فتا سالڤه‌گه‌را دامه‌زراندنا كومارا (كوردستان) ل مهابادێ بروسكه‌كا پیروزباهیێ به‌لاڤكریه و ئه‌ڤا ل خارێ ده‌قێ وێیه:-
ب هه‌لكه‌فتا سالڤه‌گه‌را دامه‌زراندنا كومارا (كوردستان) ل مهابادێ گه‌رمترین پیروزباهیان ئاراسته‌ى سه‌رجه‌م خه‌لكێ كوردستانێ دكه‌ین و سه‌رێ رێزو نه‌وازشێ بو شه‌هیدێن كومارا (كوردستان) ل مهابادێ و ته‌ڤایا شه‌هیدێن بزاڤا ئازادى خوازیا گه‌لێ كوردستانێ و سه‌ر كاروانێ وان (بارزانیێ نه‌مر) و (ئیدریسێ هه‌رده‌م ساخ) دچه‌مینین.
هه‌لبه‌ت دامه‌زراندنا كومارا (كوردستان)ێ ل رێكه‌فتى (22/1/1946)ێ روودانه‌ك گرنگ و ده‌ستپێكا قوناغه‌كا نوو بویه دبزاڤا ئازادیخوازیا گه‌لێ كوردستانێدا ژ به‌ركو بو ئێكه‌مین جار گه‌لێ كورستانێ ل كوردستانا روژ هه‌لات ئازادى هه‌مبێز كر و ده‌وله‌تا خو یا سه‌ر به‌خو راگه‌هاند دناڤ كاودانێن ناڤ خویى و ده‌ره‌كى یێن ئالووزدا هه‌ر چه‌نده ژیێ وێ یێ كورت بوو لێ گه‌له‌ك رامان ل پاش خو هێلان مینا:
دانه‌یاسینا دوزا ره‌وایا گه‌لێ كوردستانێ و مه‌زلومیه‌تا میلله‌تێ كورد بو رایا گشتى ل ته‌ڤایا جیهانێ ، مكومكرنا هه‌ستێ نه‌ته‌وایه‌تى دناڤ خه‌لكێ كوردستانێ دا ، چه‌سپاندنا گیانێ شوره‌شگێرى و به‌رخودانێ.
له‌وما هیڤیا مه ئه‌وه ئه‌ڤ هه‌لكه‌فتا پیروز ببیته هانده‌ره‌ك ژبو رێكخستنا ناڤمالیا كوردى پێخه‌مه‌ت پاراستنا وان ده‌ستكه‌فتان ئه‌وێن ب ره‌نج و ماندیبونا ده‌هان سالان یا خه‌لكێ كوردستانێ هاتینه بده‌ستڤه ئینان.
دوباره ئه‌ڤ هه‌لكه‌فتا پیروز ل هه‌مى خه‌لكێ كوردستانێ پیروز بیت.
لقێ18 یێ
پارتى دیموكراتى كوردستان
21/1/2014
