لقێ 18 سالڤه‌گه‌را دامه‌زراندنا كوردستان tv. كه‌نالێ ئاسمانى پیروزدكه‌ت
د بروسكه‌كا پیروزباهیێ دا لقێ 18ی پارتی دیموكراتی كوردستان سالڤه‌گه‌را دامه‌زراندنا كوردستان tv. كه‌نالێ ئاسمانى پیروزكریه و دامه‌زراندن و رول و كارتێكرنا ڤی كه‌نالی د هه‌می بیاڤان دا و ب تایبه‌تێ یێ نه‌ته‌وی ب گرنگ ل قه‌له‌م دایه و ئه‌ڤا ل خارێ ده‌قێ بروسكێ یه:-
ب هه‌لكه‌فتا سالڤه‌گه‌را دامه‌زراندنا كوردستان tv. كه‌نالێ ئاسمانى ب ناڤێ لقا18 و جه‌ماوه‌رێ ده‌ڤه‌را ئامێدیێ پیروزباهیێن خو ئاراسته‌یى هه‌مى كادر و كارمه‌ند و بینه‌رێن ڤى كه‌نالى دكه‌ین.
بێگومان دامه‌زراندن و ب ده‌ست كاربوونا ڤى كه‌نالى ل وى سه‌رده‌مى وه‌رچه‌رخانه‌ك بوو دبیاڤێ میدیایێ دا ل كوردستانێ كو ئه‌ڤ چه‌نده ببوو خه‌ونا هه‌ر كوردستانیه‌كى و ل هه‌مان ده‌م ژى ئێكه‌مین كه‌نالێ ئه‌سمانى بوو په‌خشا خو ل كوردستانا ئازاد به‌لاڤ بكه‌ت و ئه‌م دشێن بێژین ڤى كه‌نالى شوره‌شه‌كا راگه‌هاندن و روژنامه‌ڤانى ل كوردستانێ به‌رپا كر و شیا رویێ راستیێ كوردستانێ بوو جیهانا ژده‌رڤه ڤه‌گوهێزیت و هه‌ر ل ڤى ده‌مى ژى ببیته مینبه‌ره‌كا ئازاد بوو ره‌ئى و هزرێن جودا و دیسان ببیته پره‌كا ب هێز ل ناڤبه‌را ده‌سته‌لاتێ و خه‌لكى دا و ب ئه‌خلاقه‌كێ به‌رز و بلندێ روژنامه‌ڤانى و میدیایى سه‌ره‌ده‌ریێ دگه‌ل هه‌مى بویه‌ر و پێشهاتان بكه‌ت و ب راستگویى خو بده‌ته نیاسین و دبیاڤێ نه‌ته‌وى دا ژى ئه‌ڤ كه‌ناله یێ بوویه ناڤه‌نده‌كا گرنك بوو دانه نیاسینا دوزا ره‌وایا خه‌لكێ كوردستانێ ب جیهانا ده‌رڤه.
دوباره سالیادا كوردستانtvل هه‌مى خه‌لكێ كوردستانێ پیروز بیت.
لقا18
پارتی دیموكراتی كوردستان
17/1/2014
