ل دێره‌لوكى هه‌لكه‌فتا بیره‌وه‌ریا ژ دایك بوونا خوشتڤیێ موسلمانان محمد (س) بلند هاته‌ راگرتن

ب ئاماده‌بوونا هێژا فه‌ریق فاروق به‌رپرسێ لقێ18 یێ پارتی دیموكراتی كوردستان و ره‌مه‌زان هوره‌یی به‌رپرسێ لیژنا ناوچا دیرالوك و جه‌ماوه‌ركێ زور ، رێڤه‌به‌ریا ئه‌وقافا ئامێدیێ ب هه‌فكاری دگه‌ل لیژنا ناوچا ئامێدیێ یا ئێكه‌تیا زانایێن ئاینێ ئیسلامێ رێوره‌سمه‌كێ ژ هه‌ژی گێرا بهه‌لكه‌فتا بیره‌وه‌ریا ژ دایك بوونا خوشتڤیێ موسلمانان بێغه‌مبه‌رێ دلوڤانیێ (محمد) سلاڤێن خودێ لسه‌ربن ل مزگه‌فتا مه‌زن یا دێره‌لوك لروژا چارشه‌مبی رێكه‌فتی 16/1/2014.
په‌یڤا لقێ 18 ژ لایێ فه‌ریق فاروق به‌رپرسێ لقێ ڤه‌ هاته‌ پێشكێشكرن و زێده‌باری ده‌ستخوشی ل لایه‌نێن ب به‌رهه‌ڤكرنا ڤان رێوره‌سمان رابوین پیروزباهیێن خو و لقێ ئاراسته‌ی هه‌می به‌رهه‌ڤبویان كرن و هیڤی خاست هه‌ر سال گه‌لێ مه‌ ڤێ هه‌لكه‌فتێ د كه‌ش و سه‌قایه‌كێ ته‌نا و خوش دا ساخبكه‌ت و ببیته‌ هانده‌ره‌ك بو پتر خورتكرنا گیانێ لێبورینێ و پێكڤه‌ژیانێ و دیسان ته‌كه‌ز لسه‌ر پێگری ب و مفا وه‌رگرتن ژ فه‌رموده‌ و كریارێن پێغه‌مبه‌ری كر كو هه‌می ژبو باشیا مروڤایه‌تیێ یه‌ و هنارتنا وی مروڤایه‌تی ژ تاریكیێ ده‌رخست بو روناكی و دادپه‌روه‌ری و یه‌كسانی و باوه‌ریێ.
دیسان په‌یڤا لیژنا ناوچا ئامێدیێ یا ئێكه‌تیا زانایێن ئاینێ ئیسلامێ هات پێشكێشكرن و شریناهی لسه‌ر به‌رهه‌ڤبویان هاتن به‌لاڤكرن.