به‌رپرسێ لقێ 18 سه‌ره‌دانا هه‌لگره‌كێ میدالیا بارزانیێ نه‌مر دكه‌ت

فه‌ریق فاروق به‌رپرسێ لقێ١٨ی پارتی دیموكراتی كوردستان ب یاوریا شانده‌كێ پێكهاتی ژ ره‌مه‌زان هوره‌یی به‌رپرسێ لژنا ناوچا دێره‌لوك و محه‌مه‌د سه‌عید مێزی به‌ربژارێ پارتی بو په‌رله‌مانێ ئیراقێ سه‌را (ابراهیم ره‌شاڤه‌یی) هه‌لگرێ میدالیا‌ بارزانیێ نه‌مر پێشمه‌ركێ هه‌ردوو شوره‌شێن ئیلولێ و گولانێ دا بو ژنیزیك هایداربون لسه‌ر ره‌وشا ساخله‌میا ویل سه‌نته‌رێ ناحیا دێره‌لوك لروژا چارشه‌مبی رێكه‌فتی ١٥/١/٢٠١٤.

به‌رپرسێ لقێ كه‌یف خوشیا دیاركر ب به‌رهه‌ڤبون ل مالا ئێك ژ پێشمه‌رگێن دێرین وهه‌لكرێن ڤێ میدالیێ و داخازا ژییه‌كێ درێژ بو كر و به‌رهه‌ڤیا خو ده‌ربری بو هه‌ر خزمه‌ته‌كا دشیاندا.

ژلایێ خوڤه‌ (ابراهیم ره‌شاڤه‌یی) هه‌لگرێ میدالیا‌ بارزانیێ نه‌مر سوپاسیا فه‌ریق فاروق به‌رپرسێ لقێ١٨ و شاندێ دگه‌لدا كر بو ڤێ سه‌ره‌دانێ و گرنگیدان ب ره‌وشا وی و داخوازا سه‌ركه‌فتنێ د كارێن وان دا بو كر ژبو خزمه‌تكرنا كوردستانێ و پارتی بگشتی و خه‌لكێ ده‌ڤه‌رێ بتایبه‌ت.