بەرپرسى لقى دوو پێشوازى لە عومەر ئاغاى سورچى کرد
بەمەبەستى گرنگى دان بەپرسە سیاسییەکانى ئەمرۆى هەرێمى کوردستان، عەلى حوسێن بەرپرسى لقى دوو بە ئامادەبونى کارگێرانى لق پێشوازى لە عومەر خدر ئاغاى سورچى سەرۆکى پارتى پارێزگاران دیموکراتى کوردستان و ئەندامانى مەکتەبى سیاسى پارتى پارێزگاران کرد .
لەدیدارێکدا دواى تیشک خستنە سەر رەوشى سیاسى هەرێمى کوردستان، پاشان پرسى پێکهێنانى کابینەى داهاتوى حکوومەت و بەشدارى کاراى پارت و لایەنە سیاسییەکانى هەرێم لەم قۆناغەدا گفتوگۆى لەسەر کرا، هەرلە دیدارەکەدا تەئکید لە یەک گوتارى و هاوهەڵوێستى نێوان هێزو لایەنە سیاسییەکان و خەڵکى هەرێمى کوردستان و لە پێناو پاراستنى ئاشتى و ئارامى وسەقامگیرى ئەزموون و کیانى پێشکەوتووى هەرێمى کوردستان کرایەوە، هەروەها جەخت لە هەماهەنگى و پێکەوە کارکردنى هاوبەشى نێوان هەردوولاو پاراستنى بەرژەوەندى گشتى گەلى کوردستان و بەرپرسیارەتى مێژوویى هەموو لایەک لەم قۆناغەدا لە بەرامبەر هەر پرسێکى نەتەوەى و نیشتمانى کە دەبێتە هەنگاوى گرنگ و سەرکەوتنى گەورە بۆ هەرێمى کوردستان بەپێویست دانرا، لە کۆتایى دیدارەکەدا سەرۆکى پارتى پارێزگاران پاڵپشتى خۆیان لەو بزووتنەوە ئابوورییە بەرفراوانەى ئەمڕۆى کوردستان و کاروبەرنامە خزمەتگوزارییەکانى حکوومەتى داهاتوى هەرێم بۆ گەشەسەندو پێشکەوتنى کوردستان کردەوە.
