به‌رپرسێ لقێ 17 یێ پارتى پێشوازى ل جێگرێ پارێزگه‌رێ نه‌ینه‌وا كر
سه‌ربه‌ست بابیری به‌رپرسێ لقێ هه‌ڤده یێ پارتى دیمۆكراتى كوردستان ل باره‌گایێ لقێ پێشوازى ل جێگرێ پارێزگه‌رێ نه‌ینه‌وا كر.
د ڤێ هه‌ڤ دیتنێ دا به‌رپرسێن حزبى و ئیداریێن ده‌ڤه‌را شنگال ئاماده بوون و ل سه‌ر ره‌وشا ده‌ڤه‌را رۆژئاڤایێ دیجله ب گشتى و ده‌ڤه‌را شنگال ب تایبه‌تى گه‌نگه‌شه‌كرن و نه‌خاسمه ژ لایێ پێشكێشكرنا خزمه‌تگوزاریان و ئاڤه‌دانكرن و كێش و گرفتێن ده‌ڤه‌رێ و په‌یوه‌ندیێن د ناڤبه‌را هه‌ردوو لایان دا. جێگرێ پارێزگه‌رێ نه‌ینه‌وا دووپاتكر كو هه‌مى داخوازێن ده‌ڤه‌را شنگال و رۆژئاڤایێ دیجله دێ ئێنه بجه ئینان.
ژ لایێ خۆڤه برپرسێ لقێ خۆشحالیا خۆ بۆ ڤێ سه‌ره‌دانێ دیاركر و گوت ئه‌م د ئاماده‌ینه هه‌ر ئاسانكاریه‌كێ پێشكێش بكه‌ین بۆ هه‌ر كاره‌كێ پیدڤى دا پتر خزمه‌تا شنگالێ بهێته كرن.
