بەرپرسێ لقێ ئیك بەشداری كر دساخكرنا روژا ژدایك بونا (محەمەد) پێغەمبەر
ئەڤرو و ژبو ساخكرن و بلند راگرتنا بیرەوەریا ژدایك بونا پێغەمبەرێ ئسلامێ(محەمەد)ی سلاڤێت خودێ ل سەر بن و ل ژێر چاڤدێریا بەرێز پارێزگەرێ دهوكێ و ب ئامادەبونا سەروكێ ئێكەتیا زانایێن ئاینێ ئیسلامێ ل كوردستانێ و رێڤەبەرێ گشتی یێ ئەوقافا پارێزگەها دهوكێ و تایێ دهوكێ یێ ئێكەتیا زانایان و ژمارەكا پەرلەمانتارێن كوردستانێ و عێراقێ و رێڤەبەرێن دام و دەزگایێن میری و جەماوەرەكێ زوور ژ خەلكێ دەڤەرێ بەرێز(عبدالخالق بابیری) ئەندامێ ئەنجوومەنێ سەركردایەتیا پارتی دیموكراتی كوردستان و بەرپرسێ لقی َ ئێكێ پارتی ب سەروكاتیا شاندەكێ لقێ ژ كارگێرو بەرپرسێن لژنێن ناوچان بەشداری كر د رێورەسمێن ساخ كرنا روژا ژدایك بونا سەروەرێ مروڤایەتیێ(محەمەد)پێغەمبەر ل مزگەفتا(حەجی حسێن مارونسی).
ب ڤێ هەلكەفتێ چەندین پەیڤ هاتنە خاندن ژلایێ هەر ئێك ژ خوتبە خوینێ مزگەفتا ناڤبری و پەرلەمانتار مەلا ئەنەس سەروكێ تایێ دهوكێ ئێ ئێكەتیا زانایان و نوێنەرێ پارێزگەرێ دهوكێ و دڤان پەیڤان دا تەكەز ل سەر رەوشتێن باش و بەرزو بلندێن پێغەمبەرێ ئیسلامێ هاتنە كرن.
