په‌یاما لقێ18 ب هه‌لكه‌فتا یادا ژ دایكبوونا پێغه‌مبه‌رێ خوشتڤی محمد (د.خ)
لقێ18ی پارتی دیموكراتی كوردستان ب هه‌لكه‌فتا یادا ژ دایكبوونا پێغه‌مبه‌رێ دلوڤانیێ (محمد) سلاڤێن خودێ لسه‌ربن په‌یامه‌كا پیروزباهیێ به‌لاڤكریه و ئه‌ڤا ل خارێ ده‌قێ وێیه:-
ب هه‌لكه‌فتا ژ دایكبوونا پێغه‌مبه‌رێ خوشتڤی (محمد) سلافێت خودێ لسه‌ربن ب ناڤێ لقا18و جه‌ماوه‌رێ ده‌ڤه‌را ئامێدیێ، گه‌رمترین پیروزباهیان ئاراسته‌ی ته‌ڤایا موسلمانێن كوردستانێ و عیراقێ ب گشتی و یێن ده‌ڤه‌را ئامێدیێ ب تایبه‌تی دكه‌ین. كو دروژه‌كا وه‌ك ئه‌ڤرودا پێغه‌مبه‌ر (محمد) سلاڤێت خودێ لسه‌ربن ژدایك بوویه و قوناغه‌كا نوی د دیروكا مروڤایه‌تیێدا ده‌ستپێكریه، پاشی په‌یاما پیروزا پێغه‌مبه‌ری سلاڤێت خودێ لسه‌ربن ب رێكا دینێ ئیسلامێ یێ پیروز دناڤ مروڤایه‌تیێدا هاتیه به‌لاڤكرن كو دئه‌نجامدا مروڤایه‌تی ژ نه‌زانین و تاریاتیێ هاتیه قورتال كرن و گوهرینه‌كا بنگه‌هی دهونه‌رێ جڤاكێ مروڤایه‌تیدا په‌یدا كر، ب ره‌نگه‌كێ رێك و پێك و ب ئاوه‌یه‌كێ راست و دروست په‌یوه‌ندی دناڤبه‌را كومێن مروڤاندا هاتنه رێكخستن و گیانێ لێبورینێ و پێكڤه ژیانێ دناڤبه‌را هه‌می ئوول و نه‌ته‌وان دا هاته چاندن.
بێگومان گه‌لێ كوردستانێ هه‌ر ژده‌سپێكا به‌لاڤبوونا په‌یاما پیروزا ئیسلامێ كوم كوم بوونه موسلمان و پشته‌ڤانی ل ڤێ په‌یاما پیروز كر، هه‌روه‌سا روله‌كێ كاریگه‌ر گێرایه دبه‌ره‌ڤانیكرنێدا ژ ڤی ئاینێ پیروز و چه‌ندین سه‌ركردێن بلیمه‌ت و ژێهاتی دناڤ دا په‌یدابووینه مینا (سه‌لاحه‌دینێ ئه‌یوبی) و گه‌له‌كێن دیتر، گه‌لێ كوردستانێ هه‌ر زوی بوویه ئێك ژفاكته‌رێن پێشڤه‌برن و وه‌رارا جڤاكێ ئیسلامی پشكداریه‌كا ب هێز كریه دئاڤه‌دانكرنا شارستانیه‌تا ئیسلامێ دا و دگه‌ل هندێ ژی و هه‌ر وه‌كی ئاینێ پیروزێ ئیسلامێ ژی دوپاتیێ ل وێ چه‌ندێ دكه‌ت، گه‌لێ كوردستانێ نه هێلایه چ ده‌رزه‌ك بكه‌ڤیته دناڤ پێكهاتێ خه لكێ كوردستانێدا و هه‌ر ده‌م دوێ بزاڤێ دابووینه كو رێزێن جڤاكی به‌رده‌وام ب هێزبن.
هیڤیدارین ئه‌ڤ بوونا پیروز ببیته هانده‌ر بو مكومكرنا پێكڤه ژیانێ و پتر خورتكرنا گیانێ لێبورینێ روژ بو روژ دناڤا گه‌ل و وه‌لاتێ مه‌دا.
دوباره ئه‌ڤ هه‌لكه‌فتا پیروز و مه‌زن ل مه‌هه‌میان پیروز بیت.
لقێ18
پارتی دیموكراتی كوردستان
12/1/2014
