به‌رپرسێ لقێ 14 یێ پارتى سه‌را ناحیا باشیكێ دا

ئه‌ڤرو عسمه‌ت ره‌جه‌ب  به‌رپرسێ لقێ چارده‌ یێ پارتى دیموكراتى كوردستان ل پارێزگه‌ها مویسل سه‌را ناحیا باشیكێ دا و دگه‌ل به‌رپرس و كارمه‌ندێن جڤاتا سریانى یا ناحیا ناڤبرى كومبوو د وێ كومبونێ دا به‌حسێ ره‌وشا ناحیا باشیكێ و پێكڤه‌ ژیانا ئاشتیانه‌ یا دناڤبه‌را پێكهاتێن ده‌ڤه‌رێ دا هه‌روه‌سا كێم و كاسیێن ده‌ڤه‌رێ و چاوانیا چاره‌سه‌ركرنا وان كێم و كاسیان هاته‌كرن و د په‌یڤه‌كێ دا به‌رپرسێ لقێ چارده‌ یێ پارتى به‌رهه‌ڤیا لقێ بو هه‌ر هاریكاریه‌كا پێدڤى دیاركر .

 هه‌ر د چارچوڤێ وێ سه‌ره‌دانێ دا بو ناحیا باشیكێ به‌رپرسێ لقێ چارده‌ یێ پارتى دیموكراتى كوردستان ل پارێزگه‌ها مویسل سه‌را مالا ره‌وشه‌نبیران ل ناحیا باشیك دا و دگه‌ل هژماره‌كا ره‌وشه‌نبیر و هونه‌رمه‌ندێن ده‌ڤه‌رێ كومبوو و ژنێزیك لسه‌ر ره‌وشا بزاڤا ره‌وشه‌نبیرى و داخازیێن وان ئاگه‌هداربوو و به‌رهه‌ڤیا لقێ چارده‌یێ پارتى بو هه‌ر هاریكاره‌یكا پێدڤى دیاركر ژ پێخه‌مه‌ت پتر خزمه‌تكرنا كه‌رتێ ره‌وشه‌نبیرى ل ده‌ڤه‌رێ.