شانده‌كێ مخابه‌را گشتی سه‌ره‌دانا لقێ18 كر
فه‌ریق فاروق به‌رپرسێ لقێ 18ی پارتی دیموكراتی كوردستان دگه‌لدا هه‌ژماره‌كا كارگێران ل هولا لقێ پێشوازی ل شانده‌كێ مخابه‌را گشتی یا پارتی كر لروژا سێشه‌مبی رێكه‌فتی 7/1/2014 .
د روونشتنه‌كێدا ب به‌رهه‌ڤبوونا هێژایان عه‌ونی ئه‌رتیسی و تێلی بناڤی و سلێمان گه‌ڤه‌ركی كارگێرێن لقێ ، به‌رپرسێ لقێ ئاماژه دا رولێ گرنگێ هه‌ڤالێن مخابه‌رێ لهه‌می ده‌م و جهان و بتایبه‌ت ل ده‌مێن سه‌خت و دژوار د شوره‌شێن دژی داگیركه‌ران و داخوازا سه‌ركه‌فتنا به‌رده‌وام بو كر د هه‌می كار و ئه‌ركان دا ، دیسان ئاماژه‌دا وێ پێشكه‌فتنا دڤی بیاڤیدا په‌یدابوی و گرنگیا مفا وه‌رگرتن ژ ته‌كنولوژیا سه‌رده‌م و ده‌ستخوشی ل شاندێ ناڤهاتی كر دیسان به‌رهه‌ڤیا لقێ دوپات كر بو هه‌ر كار و هاریكاریه‌كا پێتڤی.
ژلایێ خوڤه له‌تیف ئه‌حمه‌د به‌رپرسێ لژنا ئه‌منی یا مخابه‌را گشتی و شاندێ دگه‌لدا ژ بنكێ تورا كومپیوته‌ری ل دهوك و لژنا مخابه‌رێ ل لقێ18 دڤێ سه‌ره‌دانێدا سوپاسیا به‌رپرسێ لقێ كر ژبو هاریكاری و ئاسانكاریێن به‌رده‌وام و تیشك خستنه سه‌ر كارێن خو و پێشڤه‌چوونێن بخوڤه‌دیتین.
