مەكتەبا پەیوەندیێن لقێ ئێك پێـشوازی ل شانده‌كێ یەكگرتوویی ئیسلامی كوردستان لدهوكێ دكـه‌ت
روژا سێ شه‌مبی رێكه‌فتی7 /1 /2014 ی و ل باره‌گایێ مەكتەبا پەیوەندیان لقێ ئێكێ پارتی د. نوزاد عبداللەكارگیرێ لقی ئیك و بەرپرسی مەكتەبا پەیوەندیان لقی ئیك پێشوازی ل شانده‌كێ حزبا یەكگرتوویی ئیسلامی ب سه‌روكاتیا رەمەزان ئەرتیسی به‌رپرسێ بەشی پەیوەندیین حزبا ناڤبری ل دهوكێ كر.
د روینشتنی دا دوێرای بخێرهاتنێ ل شاندێ مێهڤان به‌رپرسێ مەكتەبی خوشحالیا خو ده‌ربری بڤێ سه‌ره‌دانێ و دا دیاركرن كو خورتكرنا په‌یوه‌ندیێن دوو قولی به‌رهه‌مێ ڤان جوره سه‌ره‌دانایه دنافبه‌را حزب ولایه‌نێن سیاسی دا و هه‌روه‌سان(د. نوزاد عبداللە) د ته‌وه‌ره‌كێ دیێ ڤێ روینشتنێ دا ته‌كه‌ز كره سه‌ر پێكڤه ژیانا هه‌می ئول و نه‌ته‌وه‌یێن كوردستانێ ب هه‌می پێكهاتێن خوڤه بێی جیاوازیا ئاینی و نه‌ته‌وه‌یی و ره‌گه‌زی د میژوویا كوردستانێ دا ودسه‌رده‌مێ نوكه دا ل هه‌رێما كوردستانێ بویه هێڤێنێ پاراستنا ماف و ده‌ستكه‌فتێن وان ئه‌ڤه‌ژی بویه رویێ گه‌شێ هه‌رێمێ به‌رامبه‌ر جیهانێ و هه‌رێم بویه نموونا پێكڤه ژیانێ ل عێراقێ و سه‌رانسه‌ری جیهانێ.
هه‌روه‌سان(د. نوزاد عبداللە) دڤێ روینشتنێ دا چه‌ند رونكرنه‌ك به‌ردانه سه‌ر بارودوخێ سیاسی یێ عێراقێ و ب تاییبه‌تی یێ هه‌رێما كوردستانێ بو پیك ئینانا كابینەیا هەشتی یا حكومەتی كو پارتی دەستپخشەریی كری یە و ژلایێ خوڤه شاندێ مێهڤان سوپاسیا مەكتەبا پەیوەندیان لقێ كر بو ڤێ پێشوازیا گه‌رم و دیاركر كو مه‌ره‌م ژڤێ سه‌ره‌دانێ خورتكرنا په‌یوه‌ندیانە دنافبەرا هەر دولایەناندا.
