به‌رپرسێ لقێ 20ێ پارتى پێشوازیا شانده‌كێ لقێ 9ێ پارتى كر

شانده‌كێ لقێ نه‌هێ پارتى دیمۆكراتى كوردستان ل ئاكرێ ب سه‌رۆكاتیا كارگێرێ لقێ عه‌بدڵا ئلیاس و ب ئاماده‌بوونا رائد ئازاد ئاخفتنكه‌رێ فه‌رمیێ راگه‌هاندنا رێڤه‌به‌ریا هاتن و چوونا پارێزگه‌ها دهوكێ سه‌ره‌دانا لقێ بیستێ پارتى دیمۆكراتى كوردستان ل شێخان كرن و ژ لایێ به‌رپرسێ لقێ بیست عه‌لى عه‌ونى ڤه‌ هاتنه‌ پێشوازیكرن.
د وێ هه‌ڤدیتنێ دا ل سه‌ر ره‌وشا عێراقێ ب گشتى و زێده‌ بوونا كریارێن تیرۆرستى نه‌خا سمه‌ ل پارێزگه‌ها مویسل و گرنگیا پاراستنا ده‌ڤه‌رێن كوردستانێ یێن ده‌رڤه‌ هه‌رێما كوردستانێ ژ كریارێن تیرۆرستى به‌حس ژێ هاته‌ كرن. هه‌روه‌سا ره‌وشا ده‌ڤه‌را شێخان پشكه‌كا دى یا وێ هه‌ڤ دیتنێ بوو و پرسا پێكڤه‌ژیانا هه‌مى پێكهاتێن ده‌ڤه‌رێ ژ برایێن ئێزدى و ئیسلام و برایێن مه‌سیحى و پاراستنا ڤێ ره‌وشێ و پێشكێشكرنا خزمه‌تگوزاریان بۆ هه‌مى پێكهاتان بێ جوداهى گه‌نگه‌شه‌لسه‌رهاته‌ كرن.