به‌رپرس و كارگێرێن لقێ18 و به‌رپرسێن لژنه و رێكخراوان جه‌ژنا كرێستیانان پیروزدكه‌ن
ئامێدیی/ بمه‌ره‌ما پیروزكرنا هه‌لكه‌فتا ژ دایكبوونا حه‌زره‌تا مه‌سیح (س) وجه‌ژنێ ل خویشك و برایێن كرێستیان شاندێن لقێ ١٨ی پارتی دیموكراتی كوردستان و لژنێن بسه‌رڤه سه‌ره‌دانا هه‌ژماره‌كا كه‌سایه‌تی و باره‌گا و خێزانێن كرێستیانێن سنورێ قه‌زا ئامێدیێ كرن و پیروزباهیێن لقێ ١٨ كه‌هاندنێ ل روژا چارشه‌مبی رێكه‌فتی ٢٥/١٢/٢٠١٣.
هێژا فه‌ریق فاروق به‌رپرسێ لقێ١٨ ب یاوه‌ریا شانده‌كێ پێكهاتی ژ شڤان ئامێدی و فه‌رسه‌ت زه‌ینه‌ل كارگێرێن لقێ و ئوسمان عه‌بدوللا به‌رپرسێ لژنا ناوچا ئامێدیێ و چه‌ند كادران ل باژێرێ ئامێدیێ و كومه‌لگه‌ها كانێ و گوندێ بێبادێ سه‌ره‌دانا چهندین مالان كرن و جه‌ژن لێ پیروزكر كو مالێن مه‌تران و قه‌شه و شه‌ماشه و ماموستا و كه‌سایتیان بخوڤه گرتبو.
دیسان ل نه‌خوشخانا ئامێدیێ سه‌ره‌دانا ئه‌بو خه‌لیل زیندانیێ سیاسی و كادرێ پارتی و ئێك ژ كه‌سایه‌تیێن به‌رنیاسێن مه‌سیحیان ل ده‌ڤه‌رێ كر و زێده‌باری پیروزكرنا جەژنێ داخازێن سلامه‌تیێ بو كرن.
و ل ده‌ڤه‌را به‌رواری بالا (موسا کێسته‌یی) كارگێرێ لقێ به‌رپرسێ نڤێسینگه‌ها رێكخستن دگه‌لدا به‌رپرسێ لیژنا ناوچا کانی ماسێ و هژماره‌کا کارگێر و به‌رپرسێن رێکخراوێن سه‌ر ب لیژنێ ڤه و ئه‌نجومه‌نێ ئافره‌تان ل کانی ماسێ سه‌ره‌دانا هژماره‌کا مالێن برا مه‌سیحیان ل ده‌ڤه‌رێ کرن ب مه‌ره‌ما پیرۆزکرنا جه‌ژنێ.
و ل ناحیا دێره‌لوك (عه‌ونی ئه‌رتیسی) كارگێرێ لقێ به‌رپرسێ نڤێسینگه‌ها ره‌وشه‌نبیر و راگه‌هاندن و عه‌بدلواحد هێتوتی كارگێرێ لقێ به‌رپرسێ نڤێسینگه‌ها تایبه‌ت دگه‌لدا ره‌مه‌زان هوره‌یی به‌رپرسێ لیژنا ناوچا دێره‌لوك سه‌ره‌دانا هه‌ژماره‌کا خێزانێن برا مه‌سیحیان دا و هه‌لكه‌فتا ژ دایكبوونا حه‌زره‌تا مه‌سیح (س) وجه‌ژن لێ پیرۆزکرن.
و ل ده‌ڤه‌را سه‌رسنكێ تێلی بناڤی كارگێرێ لقێ ١٨ به‌رپرسێ نڤێسینگه‌ها دارایی و رێڤه‌به‌ری و عه‌گید شه‌فیق به‌رپرسێ لژنا ناوچا سه‌رسنكێ ب یاوه‌ریا شانده‌كێ ل ده‌ستپێكا سه‌ره‌دانێن خودا ل سه‌رسنكێ سه‌ره‌دانا چهندین خێزانان كر و ل دووڤدا سه‌ره‌دانا مالا مختارێ باده‌ره‌شكێ كر كو چهندین مختار و ریهسپی و كه‌سایه‌تیێن كرێستیانێن ده‌ڤه‌رێ لێ كومببون و جه‌ژن لێ پیروزكر و داخاز لێكر بنونه‌راتیا وان جه‌ژنێن هه‌می خویشك و برایێن مه‌سیحی ل ده‌ڤه‌رێ پیروز بكه‌ن، دیسان ل هاڤینگه‌ها ئینشكێ ل هولا بیره‌وه‌ریان جه‌ژن ل قه‌شه سه‌میر و نوونه‌رێن گوندی پیروزكر و ل باره‌گایێ كومیتا بزاڤا ئاشوری ژلایێ كاك ئیسحاق به‌رپرسێ كومیتێ ڤه پێشوازیی لێ هاتكرن زێده‌باری سه‌ره‌دانا (ئه‌بو سامی) ئێك ژ كه‌سایه‌تیێن به‌رنیاس ل ده‌ڤه‌رێ، و د به‌رده‌وامیا ڤان سه‌ره‌دانان دا دیسان ل گوندێن بێناتا و بێباد و بلێجانكێ سه‌ره‌دانا چهندین مالان كر و جه‌ژن لێ پیروزكر.
و ل ده‌ڤه‌را به‌رواری ژێری زوبێر نه‌جمان به رپرسێ ل.ن چه‌مانکێ وهه‌ڤال محه‌مه‌د شه‌ریف ریڤه‌به‌رێ ناحیا چه‌مانکێ سه‌ره‌دانا گوندێن برا مه‌سیحیان دا ل ده‌ڤه‌رارا نه‌هلی و چه‌ژن ل هه‌می مالان پیروز کرن.
ژ هه‌ژی گوتنێیه سه‌ره‌دانێن شاندێن لقێ و لژنێن ب سه‌رڤه بوینه جهێ دلخوشیا خویشك و برایێن مه‌سیحی و پر ژ دل سوپاسیا لقێ١٨ كر بو پیروزباهیا وان و ژلایێ خوڤه به‌رپرس و كارگێرێن لقێ و به‌رپرسێن لژنا ئاماژه دا گیانێ پێكڤه ژیانێ دناڤبه‌را هه‌می پێكهاتێن كوردستانێ و رولێ كرێستیانان د به‌ره‌ڤانیكرن ژ وه‌لاتی و دوباره ئاڤاكرنێدا.
