ئاڤاكرنا بنمایێن دەولەتا كوردی بو كارمەندێن ساخلەمیا دهوكێ دهێنە بەحسكرن

ئەڤرو مستەفا هیرو بەرپرسێ لژنا ناوچا ئاشتی یا پارتی دیموكراتی كوردستان كومبوونەكا بەرفره دگەل كارمەندێن ساخلەمیا پارێزگەها دهوكێ سازكر وتێدا دورێن 150 كارمەندان بەشدارببون .

دڤێ كومبوونێ دا بەرپرسێ لژنێ بەحسێ دەست ودارێ دەڤەرێ نە خاسمە نویترێن پێشداچوونێن سیاسێ ل جیهانێ ودەولەتێن ئەقلیمی و عیراق و هەریما كوردستانێ وچاوانیا پێكئینان حكومرانیێ و بنەمایێن سەركیێن ئاڤاكرنا دەولەتا كوردی و چاوانیا خوە بەرهەڤكرنا مللەتێ كورد ژبو هنگاڤتنا ئارمانجێن نەتەوایەتی هاتە كرن .

دیسان دتەوەرەكی دیتر یێ كومبونا وی یا گریدایێ بوو ب پیكئینانا كابینا هەشتی ب سەروكاتیا (نیچرڤان بارزانی ) وپێكولێن وی ژبوی بەشداریا هەمی لایەنێن سیاسیێن كوردستانێ د كابینا هەشتی دا .

ولدوماهیێ دانوستان دناڤبەرا كارمەندو بەرپرسێ لژنا ئاشتی هاتە كرن وكارمەندێن ساخلەمیێ داخواز كر كو ئەڤ جورە كومبوونە دبەردەوام بن .