به‌رپرسێ لقێ 18 به‌شداری جالاکیێن روژا ئالایێ کوردستانێ دبیت
ژبو ساخکرنا روژا ئالایێ کوردستانێ و بلند راگرتنا ئالای ل سنورێ لقێ18ی پارتی دیموکراتی کوردستان ل سه‌رانسه‌ری ده‌ڤه‌را ئامێدیێ چه‌ندین رێوره‌سم وبزاڤ وچالاکی هاتن ئه‌نجامدان لروژا سێشه‌مبی رێکه‌فتی 17/12/2013 .
ل کومه‌لگه‌ها قه‌دش ئالایێ کوردستانێ ژ لایێ هێژا (فه‌ریق فاروق) به‌رپرسێ لقێ 18 ڤه هاته بلند کرن ل ناف باخچێ گشتی ل دوریانا قه‌دش – بێناتا ، ب به‌رهه‌ڤبوونا به‌رپرسێ لژنا ناوچا سه‌رسنک و ریهسپی و که‌سایه‌تی و هونه‌رمه‌ند و هژماره‌کا خه‌لکێ کومه‌لگه‌هێ.
بڤێ هه‌لکه‌فتێ به‌رپرسێ لقێ د په‌یڤه‌کێدا بو ده‌زگه‌هێن راگه‌هاندنێ ئاماژه‌دا گرنگیا ڤێ روژێ و پیروزیا ئالای وه‌ک سومبول و هێمایه‌کا مه‌زن بو نه‌ته‌وا کورد ، زێده‌تر ئاماژه دا وان هه‌می قوربانیێن گه‌لێ مه داین د رێژاهیا خه‌باتا خودا ژبو ئازادی و سه‌ربه‌خویی و ئه‌ڤرو ده‌وله‌ت سه‌رێ خوینا ته‌ڤایا شه‌هیدان و سه‌رکاروانێ وان بارزانیێ نه‌مر و ئدریسێ هه‌رده‌م ساخ و خه‌باتا بێ راوه‌ستانا گه‌لێ مه و چه‌ندین شوره‌شان مینا شوره‌شا ئیلولێ و گولانێ و سه‌رهلدانا پیروز گه‌لێ مه لژێر سیبه‌را ڤی ئالایێ پیروز ب ئێمناهی و ئازادی و پێشکه‌فتنێ شادبویه.
هه‌ر ب هه‌مان هه‌لکه‌فت به‌رپرسێ لقێ سه‌ره‌دانا خێزانا شه‌هیدێ نه‌مر (مراد امین) ناسیار ب مراد قه‌دشی کر و ب گه‌رمی ژلایێ هه‌ڤژین و کور و برایێن شه‌هیدێ قاره‌مان هاته پێشوازیکرن .
هه‌ر ب هه‌مان هه‌لکه‌فت لژنا چه‌مانکێ یا پارتی رێوره‌سمه‌ک ژبو بلند راگرتنا ئالایێ کوردستانێ ئه‌نجامدا .
دیسان ل چه‌ندین جهێن دیتر مینا قوتابخانه و باره‌گایێن حزبی ئه‌ف روژ هاته ساخکرن.
