لقێ 18روژا ئالایێ كوردستانی ل خه‌لكێ كوردستانێ پیروزدكه‌ت
بهه‌لكه‌فتا روژا ئالایێ كوردستانی لقێ 18ی پارتی دیموكراتی كوردستان بروسكه‌ك به‌لاڤكریه و تێدا ئه‌ڤ یاده ل خه‌لكێ كوردستانێ پیروزكریه و ئاماژه ب هێما وسومبولێن گه‌لێ مه‌دایه و وان قوربانیێن گه‌لێ مه داین پێخه‌مه‌ت بلند راگرتنا ڤی ئالای و ب ده‌ستڤه ئینانا ده‌ستكه‌فتێن ئه‌ڤرو . و ئه‌ڤا ل خارێ ده‌قێ نڤیسار و بروسكا لقێ 18 یه:-
ب هه‌لكه‌فتا روژا ئالایێ كوردستانی ل ریكه‌فتی 17/12/ ژ هه‌ر ساله‌كێ ب ناڤێ لقا 18 یا پارتیا دیموكراتا كوردستانێ و جه‌ماوه‌رێ ده‌ڤه‌را ئامێدیێ ڤێ هه‌لكه‌فتا پیروز ل خه‌لكێ كوردستانێ ب گشتی و مالباتێن سه‌ربلندێن شه‌هیدان ب تایبه‌تی پیروز دكه‌ین.بێ گومان هه‌ر گه‌ل و وه‌لاته‌كی هێما وسومبولێن خو یێن تایبه‌ت هه‌نه و گه‌له‌ك ب پیروزی دهێنه راگرتن و ئێك ژوان سونبولان هه‌بونا ئالایه ل هه‌ر وه‌لاته‌كی و ئه‌ف سنبولا نه‌ته‌وی پتر ژهه‌ر تشته‌كی دهێته پیروز كرن، خه‌لكێ كوردستانێ ژی ده‌مه‌كێ درێژێ په‌رچه‌م و ئالایێ خو هه‌یه و بویه ئێك ژپیروزیێن وی و ڤێ روژێ گرنگی و تایبه‌تیه‌كا مه‌زن ل ده‌ف خه‌لكێ كوردستانێ هه‌یه چنكی ب سه‌دان هزار كورێن ڤی وه‌لاتی ل پێناڤی ڤی ئالای گیانێ خو كریه قوربانی ژبو بلند راگرتنا وی و هه‌ر دڤێ رێكێ دا گه‌رده‌انا ب هزارن گه‌نجێن كوردستانێ وه‌ریسێ سێدارا داگیرگه‌رێن كوردستانێ ب سه‌ر بلندی ماجی كریه و ئه‌ڤرو ئه‌ف ئالایه یێ بویه هێما و سنبوله‌كا پیروزا نه‌ته‌ویی یا گه‌لێ كوردستانێ و مزگینیێ د ده‌ینه‌گیانێ پیروزێ شه‌هیدێن كوردستانێ كو خوینا وان ب هه‌ر ه‌وه‌یی نه‌چویه و به‌رهه‌مێ خه‌باتا وان ئالایێ كوردستانێ ل سه‌ر چیایێن سه‌ر بلند و ل هه‌می كوژیێن وه‌لاتی یێ د هه‌ژیێت و لبن سیبه‌را ڤی ئالای، كوردستان خودان سه‌روه‌ریه‌كا مه‌زنه و ولات دئاڤه‌دانیه‌كا به‌رده‌وام و بێ وێنه‌دایه و هه‌ر ژبه‌ر ڤێ جه‌ندێ یه ژی داگیركه‌رێن كوردستانێكه‌رب و كینه‌كا مه‌زن دكه‌ل هه‌بونا ڤێ سنبولا نه‌ته‌وی دا هه‌یه وب هه‌می شیانێن خو یێن بزاڤێ دكه‌ن كو سه‌نگ و بهایێ وی بیننه خارێ و كوردستانێ بو سه‌رده‌مێن تاری بزڤریننه‌ڤه و جاره كا دی پوستالێن وان یێن پیس وه‌لاتێ مه داگیر بكه‌نه‌ڤه.
هه‌ر به‌رز و بلندبیت ئالایێ پیروزێ كوردستانێ و ئاڤه‌دان بیت وه‌لاتێ مه.
لقا 18
پارتی دیموكراتی كوردستان
16/12/2013
