لقێ ١٨پشكداریێ د تازیا مه‌لا پیرموس بامه‌رنی دا دكه‌ت

بمه‌ره‌ما پشكداری كرن د تازیا خودێ ژێ رازی (مه‌لا پیرموس اسلام بامه‌رنی)دا، هێژا فه‌ریق فاروق به‌رپرسێ لقێ ١٨یێ پارتی دیموكراتی كوردستان ب یاوه‌ریا شانده‌كێ پێكهاتی ژ هه‌ژماره‌كا كارگێر و كادرێن لقێ ل هولا بیره‌وه‌ریان ل بامه‌رنێ به‌رهه‌ڤبوون و سه‌ره‌خوشی ل مالباتا وی كر و ژ خودایێ مه‌زن خاست ب به‌هه‌شتا خو شادبكه‌ت و سه‌بر و هه‌دارێ بده‌ته‌ مالبات و هه‌ڤالێن وی.

فه‌ریق فاروق به‌رپرسێ لقێ ١٨ سه‌باره‌ت پشكداری كرن د تازیا خودێ ژێ رازی دا گوت :-

بێگومان پِشكداری د خوشی  و نه‌خوشیێن خه‌لكێ مه‌دا ئه‌ركه‌كه‌ لسه‌ر ملێن مه‌ و چه‌ند دشیاندابیت ئه‌م یان به‌رپرسێن لیژنا ب نونه‌راتیا مه‌ د تازیێن ده‌ڤه‌رێدا به‌شداردبین. پشتی ئه‌م ژلایێ لیژنا ناوچا بامه‌رنێڤه‌ هاتینه‌ هایداركرن كو خودێ ژێ رازی (مه‌لا پیرموس اسلام بامه‌رنی)یێ به‌رنیاس ب (مه‌لا پیرموس بامه‌رنی) چویه‌ به‌ر دلوڤانیا خودێ مه‌ بفه‌ر زانی ئه‌ڤرو پِشكداری د تازیێ دا بكه‌ین‌ و هه‌ڤخه‌میا خو بو دیاركه‌ین .

زێده‌تر به‌رپرسێ لقێ گوت : خودێ ژێ رازی (مه‌لا پیرموس بامه‌رنی) ئێك ژ كه‌ساتیێن به‌رنیاسه‌ لده‌ڤه‌رێ و د ژیانا خودا ژبه‌ر زولما دوژمنان گه‌له‌ك جاران ئاواره‌بوویه‌ و چه‌ندین قوربانی داینه‌ ، لده‌مێ ئه‌نفالان ل ته‌باخا سالا ١٩٨٨ێ هه‌ڤژینا وی (ستی حسین لاوه‌ند) ب موشه‌كه‌كا فروكێن به‌عسییان شه‌هیدبوویه‌ و هه‌می كورێن وی پێشمه‌رگه‌ بوینه‌ دوو ژوان بناڤێن(عبدالله و سفر) شه‌هیدبووینه‌ ، كوره‌كێ وی بناڤێ (ئه‌حمه‌د پیرموس بامه‌رنی) كادره‌كێ كه‌ڤنێ پارتییه‌ و پلا ئه‌ندامه‌تیا لقا مه‌ وه‌رگرتیه‌ و نها ئه‌ندامێ لیژنا راوێژكاریا لقێ یه‌ . بناڤێ خو و هه‌می  كارگێر و كادرێن لقێ سه‌ره‌خوشی ل مالبات و هه‌ڤالێن وی دكه‌ین و ژ خودایێ مه‌زن دخازین ب به‌هه‌شتا خو یا به‌رین شاد بكه‌ت و سه‌بر و هه‌دارێ بده‌ته‌ هه‌می لایه‌كی و لدوماهیێ دبێژین (انا لله و انا الیه راجعون).