شاندا پارتیا هاته پێشوازیکرن د په‌رله‌مانێ هۆڵه‌ندا ده
ژ بۆی خوورتکرنا په‌یوه‌ندیێن پارتیا مه ل گه‌ل پارتیێن هۆڵه‌ندی ل ڕێکه‌فتی ٢-١٢-٢٠١٣ شاندا لیژنه‌یا ناڤچا هۆڵه‌ندا یا پارتیا دێمۆکراتا کوردستانێ کۆ پێکهاتبۆ ژ برێزان ئۆمه‌ر زاویته‌یی، شێرزاد یونس ڕۆژبه‌یانی ئوو دیندار کۆچه‌ر سه‌ردانا پارتیا D66 کر د ناڤ ئاڤاهیێ په‌رله‌مانێ هۆڵه‌ندا ل باژارێ دەنهاخ ئوو ژ ئالیێ Sjoerd Sjoerdsma به‌رپرسێ تێکلیێن ده‌رڤه یێن پارتیا D66 هاتن پێشوازیکرن.
د ڤێ کۆمبوونێ ده ل سه‌ر چه‌ند بابه‌تێن گرنگ هاته ئاخفتن کۆ گرێدای ڕەوشا نها یا کوردستانێ ئوو هۆڵه‌ندایێ. شاندا پارتیا مه ب به‌رفره‌هی به‌هسێ ڕەوشا نها یا هه‌رێما کوردستانێ کرن ئوو ڤێ قۆناخا گرنگ کۆ هه‌رێما کوردستانێ ب خوه ڤه د بینت.
ژ ئالیێ شاندا پارتیا مه داخواز ژ برێز Sjoerdsma هاته کرن کۆ ئه‌و تاوانێن دلته‌زین ئوو یێن ڕژێما سه‌دام حسێنی ل دژی گه‌لێ کورد ئوو بلا ل سه‌ر ئاستێ په‌رله‌مانی ئه‌و بابه‌تێ بێته به‌هسکرن ئوو بلا پارتیا D66 وانا تاوانا وه‌ک کۆمکوژی/جینۆساید ناس ئوو قه‌بوول بکت.
هه‌ر وه‌سا شاندا پارتیا مه داخواز ژ برێز Sjoerdsma کر کۆ پارتیا D66 زێده‌تر پشته‌ڤانیێ ئوو گرنگیێ بده کوردستانێ نه‌خاسم پالپشتیکرنا کۆمپانیایێن هۆڵه‌ندی ل کوردستانێ کار بکن، ژ به‌ر وێ په‌یوه‌ندیا دیرۆکی د ناڤبه‌را کوردستانێ ئوو هۆڵه‌ندایێ، د ڕژێن سه‌خت ئوو دژوار ده وه‌لاتێ هۆڵه‌ندا مافێ په‌نابه‌ریێ دا گه‌ڵه‌ک کوردێن په‌نابه‌ر ئوو نها ژ ل کوردستانێ ده‌رفه‌تێن باش هه‌نه بۆ کۆمپانیێن بیانی، بلا کۆمپانیێن هۆڵه‌ندی ژ مووفای ژێ وه‌ربگرن.
ژ ئالیێ شاندا پارتیا مه ڤه پێشنیار هاته کرن کۆ ل سه‌ر ئاستێ دیپلۆماسی ژی کوردستان ئوو هۆڵه‌ندا باشتر نێزیکی یه‌کتر ببن ئوو بلا هۆڵه‌ندا کۆنسۆلخانیه‌کێ ل هه‌ولێرێ ڤه‌کت ئوو برێز Sjoerdsma گۆت کۆ ئه‌و پشته‌ڤانێ وێ چه‌ندێ یه کۆ ل کوردستانێ کۆنسۆلخانه‌یا هۆڵه‌ندا بێ ڤه‌کرن.
شاندا ناڤچا مه ئوو Sjoerd Sjoerdsma که‌یفخوه‌شیا خوه ده‌ربرین ل سه‌ر ڤێ هه‌ڤدیتنێ ئوو هه‌ردوو ئالیان خوه‌ستن کۆ ئه‌ڤ په‌یوه‌ندی به‌رده‌وام به
