به‌رپرسێ لقێ 14 یێ پارتى دگه‌ل ئه‌ندامێن جڤاتا پارێزگه‌هێ كومبوو
ب سه‌روكاتیا عسمه‌ت ره‌جه‌ب به‌رپرسێ لقێ چارده یێ پارتى دیموكراتى كوردستان و سه‌روكێ لیستا برایه‌تى و پێكڤه ژیانێ دگه‌ل هه‌مى ئه‌ندامێن جڤاتا پارێزگه‌ها مویسل یێن سه‌ر ب لیستا برایه‌تى و پێكڤه ژیانێ ب به‌رهه‌ڤبوونا سه‌روكێ جڤاتا پارێزگه‌ها مویسل كومبوو .
د وێ كومبوونێ دا به‌حسێ ره‌وشا پارێزگه‌ها مویسل ب گشتى و ره‌وشا ئێمناهیێ و باشتركرنا كارێ هه‌ڤپشكێ دام و ده‌زگه‌هێن میرى و پێشكێشكرنا باشترین خزمه‌تگوزاریان بو خه‌لكێ ده‌ڤه‌رێ و ئه‌نجامدانا پروژێن گرنگ دبیاڤێن جودا یێن ژیانێ دا بو خه‌لكێ ده‌ڤه‌رێ ب گشتى هه‌روه‌سا ره‌وشا ئێمناهیێ ب تایبه‌تى و چاوانیا بهێزكرنا دام و ده‌زگه‌هێن ئێمناهیێ ژبو پاراستنا سه‌ر و مالێ وه‌لاتیان هاته‌كرن .
د په‌یڤه‌كێ دا به‌رپرسێ لقێ چارده یێ پارتى دیموكراتى كوردستان ئه‌ندامێن جڤاتا پارێزگه‌ها مویسل یێن سه‌ر ب لیستا برایه‌تى و پێكڤه ژیانێ هاندان كو لسه‌ر بنه‌مایێ لێك تێگه‌هشتنێ و پێكڤه كاركرنێ كاربكه‌ن و خو ل ئاریشه و كێم و كاسیێن خه‌لكى بكه‌نه خودان هه‌روه‌سا كاربكه‌ن بو ئه‌نجامدانا پروژێن خزمه‌تگوزارى و پێشكێشكرنا خزمه‌تێن جودا بو خه‌لكێ پارێزگه‌ها مویسل ب گشتى و ده‌ڤه‌رێن كوردستانى یێن ده‌رڤه‌ى هه‌رێمێ ب تایبه‌تى.
