به‌رپرسێ لقێ1 سه‌را هه‌ردوو پێشمه‌رگێن ئه‌یلول و گولانێ دا

ب مه‌ره‌ما ژ نێزیك ئاگه‌هداربونێ لسه‌ر ره‌وشا ساخى و سلامه‌تیا  پێشمه‌رگێن دێرین و خه‌باتكه‌ر ئه‌ڤرو شانده‌كێ لقێ ئێكێ پارتى دیموكراتى كوردستان ب سه‌رپه‌رشتیا عه‌بدولخالق بابیرى  به‌رپرسێ لقێ ئێكێ پارتى سه‌را هه‌ردوو پێشمه‌رگێن ئه‌یلول و گولانێ( حه‌جى حسێن دوكه‌رى و وه‌عدوللا سلێمان به‌ندى) دا و ژ نێزیك لسه‌ر ره‌وشا ژین وژیارا وان ئاگه‌هداربوو و داخوازا ساخى و سلامه‌تى و له‌ش ساخیێ بو وان خواست.

 و د وان هه‌ردوو سه‌ره‌دانان دا به‌رپرسێ لقێ ئێكێ پارتى ئاماژه‌ ب رولێ وان هه‌ردوو پێشمه‌رگان دناڤ شوره‌شێ دا و دیاركر كو ئه‌ڤ ئازادى و ئێمناهیى و پێشكه‌فتنا ئه‌ڤرو كوردستان تێدا به‌رهه‌مێ خه‌بات و قوربانى دانا پێشمه‌رگێن شوره‌شێن ئه‌یلول و گولانێ و بزاڤا رزگارى خوازا ملله‌تێ كورده‌ لسه‌ر كاروانێ وان بارزانیێ نه‌مر و ئدریسێ جانه‌مه‌رگ وژلایێ خوڤه‌ پێشمه‌رگێن ناڤبرى دلخوشیا خو ب ڤێ سه‌ره‌دانێ دیاركر و سوزدا حه‌تا دوماهیك چركه‌ ژ ژیانا خو خه‌مخورێن گه‌ل وه‌لاتێ خو بن لسه‌ر رێبازا پارتى وبارزانى و لدوماهیا وان هه‌ردوو سه‌ره‌دانان به‌رپرسێ لقێ ئێكێ پارتى به‌رهه‌ڤیا لقێ بو هه‌ر هاریكاریه‌كێ دیاركر.ً