به‌رپرسێ لقێ 17 یێ پارتى دگه‌ل كه‌سایه‌تیێن جودا یێن ده‌ڤه‌را شنگال كومبوو
ئه‌ڤرو سه‌ربه‌ست بابیرى به‌رپرسێ لقێ هه‌ڤده یێ پارتى دیموكراتى كوردستان ل قه‌زا شنگال پێشوازیا سه‌روك هوز و كه‌سایه‌تى و جه‌ماوه‌رێ ده‌ڤه‌را شنگال ژ كورد و عه‌ره‌ب و توركمان و كه‌سایه‌تیێن ئاینى ژ ئاینێن ئێزدى و مه‌سیحى و موسلمانان كر.
د روینشتنه‌كێ دا به‌رپرسێ لقێ هه‌ڤده یێ پارتى به‌حسێ ره‌وشا ده‌ڤه‌را شنگالێ بگشتى هه‌روه‌سا په‌یوه‌ندیێن دووقولى یێن دناڤبه‌را هه‌مى پێكهاتێن ده‌ڤه‌رێ دا كر و دیاركر كو لقێ هه‌ڤده یێ پارتى به‌رهه‌ڤه ژبو پاراستنا سه‌ر و مالێ وه‌لاتیان ل هه‌مى ده‌ڤه‌رێن كوردستانى یێن ده‌رڤه‌ى هه‌رێمێ و دیاركر هێزێن پێشمه‌رگێ كوردستانێ روله‌كێ مه‌زن و به‌رچاڤ دیتیه ژبو پاراستنا وان ده‌ڤه‌ران وبتایبه‌تى پشتى گه‌فێن ده‌وله‌تا بناڤ ئیسلامى ل عیراق وشامێ لسه‌ر ده‌ڤه‌رێ و داخوازكر كو خه‌لكێ ده‌ڤه‌رێ ب هه‌مى پێكهاتێن خو ئێك ده‌ست ژبو پاراستنا گیانێ وه‌لاتیان دژى تیرورست و نه‌حه‌زان ولدوماهیێ به‌رپرسێ لقێ به‌رهه‌ڤیا خو بو هه‌ر هاریكاریه‌كا پێدڤى دیاركر.
