به‌رپرسێ لقێ 17 یێ پارتى پێشوازیا شانده‌كێ ده‌ڤه‌را تلعفه‌ر كر

ئه‌ڤرو سه‌ربه‌ست بابیرى به‌رپرسێ لقێ هه‌ڤده‌ یێ پارتى دیموكراتى كوردستان ل قه‌زا شنگال پێشوازیا شانده‌كێ قه‌زا  تلعفه‌ر وهژماره‌كا سه‌روك هوزێن وێ ده‌ڤه‌رێ كر .

د روینشتنه‌كێ دا به‌رپرسێ لقێ هه‌ڤده‌ یێ پارتى به‌حسێ ره‌وشا ده‌ڤه‌را تلعفه‌ر بگشتى كر و دیاركر كو لقێ هه‌ڤده‌ یێ پارتى به‌رهه‌ڤه‌ ژبو پاراستنا سه‌ر و مالێ وه‌لاتیان ل وان ده‌ڤه‌ران و هێزێن پێشمه‌رگێ كوردستانێ روله‌كێ مه‌زن و به‌رچاڤ دیتیه‌ ژبو پاراستنا وان ده‌ڤه‌ران وبتایبه‌تى پشتى گه‌فێن ده‌وله‌تا بناڤ ئیسلامى ل عیراق وشامێ لسه‌ر ده‌ڤه‌رێ و داخازكر كو خه‌لكێ ده‌ڤه‌رێ ب هه‌مى پێكهاتێن خو ئێك ده‌ست و ئێك ملبن ژبو پاراستنا گیانێ وه‌لاتیان دژى تیرورست و نه‌حه‌زان.

 د لایه‌كى دى دا به‌حسێ هه‌لبژارتنێن بهێت یێن جڤاتا نوینه‌رێن عیراقێ هاته‌كرن و شاندێ ناڤبرى پشته‌ڤانیا خو بو لیستا كوردستانى نیشاندا و دیاركر كو سه‌ركرداتیا هه‌رێما كوردستانێ روله‌كێ مه‌زن هه‌یه‌ د پێشڤه‌برنا ده‌ڤه‌رێن كوردستانى یێن ده‌رڤه‌ى هه‌رێمى دا و لژێر ده‌ستهه‌لاتا هه‌رێما كوردستانێ ژبو پیًشكه‌فتن بخوڤه‌ دیتینه‌ و ب تایبه‌ت دبیاڤى َ ئێمناهیێ دا .ولدوماهیێ هه‌ردولا چه‌ندین بیروبوچوون پێخه‌مه‌ت پێكڤه‌ كاركرنێ دیاركرن ژلایێ خوڤه‌ به‌رپرسێ لقێ به‌رهه‌ڤیا خو بو هه‌ر هاریكاریه‌كا پێدڤى دیاركر.