عبدالعزیز بارزانی سه‌ره‌دانا لقێ هه‌ژده كر
فریق فاروق به‌رپرسێ لقێ ١٨ی پارتی دیموكراتی كوردستان ل نڤێسینگه‌ها خو یا تایبه‌ت پێشوازی كر ل هێژا عبدالعزیز محسن بارزانی سه‌روكێ ئنستیتیوتا دهوك بو ره‌وشه‌نبیریا گشتی و شاندێ دگه‌لدا ل روژا پێنج شه‌مبی رێكه‌فتی ٢٨/١١/٢٠١٣.
د روونشتنه‌كێدا به‌رپرسێ لقێ خوشحالیا خو بڤێ سه‌ره‌دانێ ده‌ربری و ده‌ستخوشی ل به‌رپرسێ ئه‌نستیتیوتێ و رێكخراوا زێرین كر یو كارێن وان یێن گرنگ د بیاڤێن خزماتكرنا خه‌لكیدا و ب تایبه‌ت دبیاڤێن ره‌وشه‌نبیریا گشتی و ماف و ئه‌ركێن وه‌لاتیان ، زێده‌باری دیاركرنا پشته‌ڤانیا لقێ بو كارێن وان به‌رهه‌ڤیا خو بو هه‌ر هاریكاری و كاره‌كێ پێتڤی ژبو خزمه‌تا خه‌لكێ ده‌ڤه‌رێ دوپاتكر.
ژلایێ خوڤه سه‌روكێ ئنستیتیوتێ و شاندێ دگه‌لدا سوپاسیا به‌رپرسێ لقێ ١٨ كر بو وێ پێشوازیا گه‌رم.
د لێدوانه‌كێدا بو مالپه‌رێ لقێ١٨ عبدالعزیز بارزانی سه‌روكێ ئنستیتیوتا دهوك بو ره‌وشه‌نبیریا گشتی گوت :- (مه‌ره‌م ژ ڤێ سه‌ره‌دانێ خورتكرنا په‌یوه‌ندییانه ژبو به‌رده‌وامیا كارێن هه‌ڤپشك، دیسان گوت ل ده‌ڤه‌را ئامێدیێ بو هه‌یاما شه‌ش مه‌هان مه پروژه‌ك ژێر ناڤێ حكومه‌ت ژ خه‌لكییه و بو خه‌لكییه بجهئینا ژبو موكومكرنا په‌یوه‌ندییان دناڤبه‌را وه‌لاتان و ده‌زگه‌هێن میری).
